ଭୁବନେଶ୍ୱର (ବଡ଼ ଖବର ବ୍ୟୁରୋ): ଝାରସୁଗୁଡ଼ା ଉପନିର୍ବାଚନ ତାରିଖ ଘୋଷଣା ପରେ ରାଜନୈତିକ ଉଷ୍ମତା ଢେର ବଢିଯାଇଛି । ବିଜେଡି, ବିଜେପି ଓ କଂଗ୍ରେସ ଶିବିର ହୋଇଉଠିଛି ଚଳଚଳ । ୨୦୨୪ ନିର୍ବାଚନ ପୂର୍ବରୁ ଝାରସୁଗୁଡ଼ା ଉପନିର୍ବାଚନ ବିଜେପି, କଂଗ୍ରେସ ଓ ବିଜେଡି ପାଇଁ ସମ୍ମାନର ପ୍ରଶ୍ନ ହୋଇପଡିଛି । କଂଗ୍ରେସ କହିଛି ନିଶ୍ଚିୟ ଲଢେଇ ହେବ । ଅନେକ ମୁଦ୍ଦା ରହିଛି । ଆଇନ ଶୃଙ୍ଖଳା ପ୍ରସଙ୍ଗକୁ ମୁଖ୍ୟ ଅସ୍ତ୍ର କରିବ ଦଳ । ବେକାରୀ ସମସ୍ୟା , ଝାରସୁଗୁଡା ଜିଲାରେ ପାନୀୟଜଳ ସମସ୍ୟାକୁ ନେଇ ନିର୍ବାଚନ ଲଢ଼ିବ କଂଗ୍ରେସ।
ସେପଟେ ବିଜେଡି କହିଛି ନିର୍ବାଚନକୁ ନେଇ ଆମେ ପ୍ରସ୍ତୁତ । ପ୍ରାର୍ଥୀ କିଏ ହେବ ନିଷ୍ପତି ନେବେ ସୁପ୍ରିମୋ। ବିକାଶ ଆଭିମୁଖ୍ୟକୁ ଗ୍ରହଣ କରିଛନ୍ତି ଲୋକେ। ତେଣେ ବିଜେପି କହିଛି ନିର୍ବାଚନ ପାଇଁ ଆମେ ପ୍ରସ୍ତୁତ । ଝାରସୁଗୁଡ଼ାରେ ହେବ ଜୋରଦାର ଲଢେଇ । ବୁଥସ୍ତରରେ ସଂଗଠନ ଭଲ ଥିବାରୁ ଝାରସୁଗୁଡ଼ାରେ ବିଜେପି ନିଶ୍ଚୟ ଜିତିବ ବୋଲି ବିୋଧୀ ଦଳ ମୁଖ୍ୟ ସଚେତକ କହିଛନ୍ତି । ଆମେ ଯେମିତି ଧାମନଗର ଉପନିର୍ବାଚନରେ ଲଢ଼ି ଥିଲୁ ଓ ଜିତି ଥିଲୁ । ସେମିତି ଝାରସୁଗୁଡାରେ ମଧ୍ୟ ଲଢିବୁ ଏବଂ ଜିତିବୁ । ସେଠି ଆମର ସଙ୍ଗଠନ ମଜବୁତ ଅଛି ।ବିଜେପିର ନୂତନ ରାଜ୍ୟ ସଭାପତି ଦାୟିତ୍ୱ ନେଇଥିବା ବେଳେ ବିଜେଡି ୨୫ ଯୋଦ୍ଧାଙ୍କୁ ମଇଦାନକୁ ଛାଡିଛି । ତେଣେ କଂଗ୍ରେସର ନୂଆ ରାଷ୍ଟ୍ରୀୟ ସଭାପତି ଦାୟିତ୍ୱ ନେଇଛନ୍ତି । ଏଭଳି ସ୍ଥିତିରେ ଝାରସୁଗୁଡ଼ା ଉପନିର୍ବାଚନ ସବୁଦଳ ପାଇଁ ଗୁରୁତ୍ୱପୂର୍ଣ୍ଣ ନିଶ୍ଚୟ ।
