ଝଲସିବ ବୈଦ୍ୟନାଥ ମନ୍ଦିର

ବଡ଼ସାହି (ବଡ଼ ଖବର ବ୍ୟୁରୋ):  ମୟୂରଭଞ୍ଜ ଜିଲ୍ଲା ବଡ଼ସାହି ନିର୍ବାଚନ ମଣ୍ଡଳିର ମାଣତ୍ରୀରେ ଥିବା ବହୁ ପୁରାତନ ମନ୍ଦିର ବାବା ବଖାରି ବୈଦ୍ୟନାଥ ମନ୍ଦିରର ଉନ୍ନତି କରାଯିବ । ଏହି ମନ୍ଦିରର ଉନ୍ନତି ପାଇଁ ସ୍ଥାନୀୟ ଲୋକମାନେ ବାରମ୍ବାର ଦାବି କରି ଆସୁଛନ୍ତି । ଲୋକଙ୍କ ଭାବାବେଗକୁ ସମ୍ମାନ ଦେଇ ୫-ଟି ସଚିବ ଭିକେ ପାଣ୍ଡିଆନ ତାଙ୍କର ୨ ଦିନିଆ ମୟୂରଭଞ୍ଜ ଗସ୍ତ ଅବସରରେ ବୈଦ୍ୟନାଥ ମନ୍ଦିର ପରିଦର୍ଶନ କରିଥିଲେ । ମନ୍ଦିରର ଉନ୍ନତି ସମ୍ପର୍କରେ ସେ ସେବାୟତଙ୍କ ସହ ଆଲୋଚନା କରିଥିଲେ । ଆଲୋଚନା ସମୟରେ ମୟୂରଭଞ୍ଜ ଜିଲ୍ଲାପାଳ ବିନୀତ ଭରଦ୍ୱାଜ ବଡ଼ସାହି ଭୀଡିଓ ଅଶୋକ ପଣ୍ଡା, ତହସିଲଦାର ଗଦାଧର ହଳଙ୍କ ସହ ସ୍ଥାନୀୟ ବୁଦ୍ଧିଜୀବୀମାନେ ଉପସ୍ଥିତ ଥିଲେ ।