ନିମ୍ନମାନର ରାସ୍ତା କାମ ପାଇଁ ଅସୁବିଧା ଭୋଗୁଛନ୍ତି ଗ୍ରାମବାସୀ

ଏରସମା (ବଡ଼ ଖବର ବ୍ୟୁରୋ): ନିମ୍ନମାନର ରାସ୍ତା କାମ ପାଇଁ ସମସ୍ୟା ଭୋଗୁଛନ୍ତି ଗ୍ରାମବାସୀ । ନିର୍ବାଚନ ସମୟରେ ବହୁ ସ୍ଥାନରେ ଠିକାଦାରମାନେ ତରବରିଆ ଭାବରେ କାର୍ଯ୍ୟ କରୁଛନ୍ତି ବୋଲି ଅଭିଯୋଗ ହୋଇଛି । ଏଭଳି ଅଭିଯୋଗ ଆସିଛି ଏରସମା ବ୍ଲକ ପଏଦା ପଞ୍ଚାୟତର ପଏଦା ଗ୍ରାମରେ । ରାସ୍ତାଟି ମୁଖ୍ୟ ରାସ୍ତା ଥିବାରୁ ଏହି ରାସ୍ତାରେ ଯାତ୍ରୀବାହି ବସ ଯାତାୟତ କରିଥାଏ । ବହୁଦିନ ଆଗରୁ ରାସ୍ତାଟି ନିମ୍ନମାନ ହୋଇପଡି ରହିଥିଲା ବହୁ ବାଦବିବାଦ ପରେ ଏହି ରାସ୍ତାଟି ସମ୍ପୂର୍ଣ୍ଣ କାମ ହୋଇଛି । ବିନା ଫଳକ ଓ ବିନା ସରକାରୀ ଯନ୍ତ୍ରୀରେ ଏହି ରାସ୍ତା କାମ ହୋଇଛି । ଅସରାଏ ବର୍ଷା ହେଲେ ଲୋକଙ୍କ ଘରେ ପାଣି ପସୁଛି ।

ଫଳରେ ହଇରାଣ ହରକାତ ହେଉଛନ୍ତି ଏହି ଗ୍ରାମବାସୀ। ସେପଟେ ରାସ୍ତା କାମରେ ବଳିଥିବା ବାଲି ଗୋଡିକୁ ଠିକାଦାର କାମରେ ନ ଲଗାଇ ଅଧା ମୂଲ୍ୟରେ ବିକ୍ରି କରି ଦେଇଛି ବୋଲି ଅଭିଯୋଗ ହୋଇଛି । ଏନେଇ ଉଚ୍ଚସ୍ଥ ଅଧିକାରୀଙ୍କୁ ଅଭିଯୋଗ କଲେ ମଧ୍ୟ କୌଣସି କାର୍ଯ୍ୟ ହେଉନି । ଏହି ପରିପେକ୍ଷୀରେ ଗ୍ରାମବାସୀମାନେ ଭୋଟ ସମୟରେ ଜିଲ୍ଲାପାଳଙ୍କୁ ଭେଟିବେ ନଚେତେ ଆନ୍ଦୋଳନ କରିବେ ବୋଲି ଚେତାବନି ଦେଇଛନ୍ତି ।