ସୁନାରେ ଝଟକୁଛନ୍ତି ମା’ପାଟଣେଶ୍ୱରୀ

ସମ୍ବଲପୁର(ବଡ଼ ଖବର ବ୍ୟୁରୋ): ପବିତ୍ର ମହାଷ୍ଟମୀ ତିଥିରେ ସମ୍ବଲପୁର ସହରର ବିଭିନ୍ନ ଶକ୍ତିପୀଠରେ ମା’ଦୁର୍ଗାଙ୍କ ବିଶେଷ ପୂଜାର୍ଚ୍ଚନା କରାଯାଉଛି । ସମ୍ବଲପୁର ସହରର ଅନ୍ୟତମ ପ୍ରମୁଖ ଶକ୍ତିପୀଠ ମା’ପାଟଣେଶ୍ୱରୀଙ୍କର ଆଜି ଅନୁଷ୍ଠିତ ହୋଇଛି ସୁନାବେଶ ।

ମହାଷ୍ଟମୀରେ ମା’ଭକ୍ତମାନଙ୍କୁ ସୁନାବେଶରେ ଦର୍ଶନ ଦେବାର ପରମ୍ପରା ବହୁ ବର୍ଷ ହେଲା ଚାଲିଆସିଛି । ମା’ଙ୍କୁ ସୁନାବେଶରେ ଦର୍ଶନ କଲେ କୋଟି ଜନ୍ମର ପୂଣ୍ୟ ମିଳିଥାଏ ବୋଲି ବିଶ୍ୱାସ ରହିଛି । ତେବେ ଚଳିତ ବର୍ଷ କୋଭିଡ କଟକଣା ପାଇଁ ଭକ୍ତଙ୍କ ମନ୍ଦିର ପ୍ରବେଶ ଉପରେ ରୋକ ଲଗାଯାଇଛି । ମନ୍ଦିରର ମୁଖ୍ୟ ପୂଜକଙ୍କ ସମେତ ସମସ୍ତ ପୁଜକମାନେ ମା’ଙ୍କୁ ସୁନାବେଶରେ ସଜ୍ଜିତ କରିଥିଲେ । ତେବେ ମନ୍ଦିର ପ୍ରଵେଶ ଉପରେ କଟକଣା ଥିବାରୁ ଭକ୍ତମାନେ ବାହାରେ ଥାଇ ମାଙ୍କ ଆଶୀର୍ବାଦ ଭିକ୍ଷା କରୁଛନ୍ତି ।