ଔଷଧ ବିକଳରେ ତାଟିଆ କାମୁଡୁଛନ୍ତି: ଅମର ଶତପଥୀ

ଭୁବନେଶ୍ୱର(ବଡ଼ ଖବର ବ୍ୟୁରୋ):  ଯେଉଁମାନେ ଓଡ଼ିଶାର ଜନମତକୁ ଠିକଣା ଭାବେ ବିଚାର କରି ପାରୁ ନାହାନ୍ତି ସେମାନେ ଅଗଣତନ୍ତ୍ରୀ ଉପାୟରେ କଥା କହୁଛନ୍ତି ବୋଲି କହିଛନ୍ତି ବରିଷ୍ଠ ବିଜେଡି ବିଧାୟକ ଅମର ପ୍ରସାଦ ଶତପଥୀ । ସେ କହିଛନ୍ତି ଓଡ଼ିଶାରେ ନବୀନ ପଟ୍ଟନାୟକଙ୍କ ପ୍ରତି ଜନମତ ପ୍ରତିଫଳିତ ହୋଇଛି । ଓଡ଼ିଶାର ବିକାଶ ବି ତା ସହିତ ଜଡ଼ିତ । ଯାହା ଆଗରୁ ହେଇ ନଥିଲା ତାହା ଆଜି ନବୀନ ପଟ୍ଟନାୟକଙ୍କ ଶାସନ କାଳରେ ହୋଇଛି । ସ୍ଥିତି ବଦଳିଛି ଓଡ଼ିଶାର ରାଜସ୍ୱ ବଢିଛି ।

ଯେଉଁମାନେ ଅଭିଯୋଗ କରୁଛନ୍ତି ସେମାନେ ଲୋକଙ୍କ ପାଖକୁ ଯାଆନ୍ତୁ ଲୋକେ ତାଙ୍କୁ ଗ୍ରହଣ କଲେ ହେବ । ଦୁର୍ଭାଗ୍ୟ ଏତେ ଉପନିର୍ବାଚନ କି ପଂଚାୟତ ଓ ସାଧାରଣ ନିର୍ବାଚନରୁ କିଛି ଶିକ୍ଷା ଲାଭ କଲେନି ସେମାନେ । ଯେଉଁମାନେ ଲୋକମତ ନ୍ୟୁନ କରିବା ପାଇଁ ଚାହୁଁଛନ୍ତି ସେମାନେ ହିଁ ଅଗଣତାନ୍ତ୍ରୀକ କାମ କରୁଛନ୍ତି । କେବଳ ଔଷଧ ବିକଳରେ ତାଟିଆ କାମୁଡୁଛନ୍ତି । ଲୋକ ସମର୍ଥନ ପାଉ ନଥିବାରୁ କିଛି ଆଳ ଦେଖାଉଛନ୍ତି । କିନ୍ତୁ ତାଙ୍କର ସେ ଆଳ ଆଉ କାମ ଦେବନି ନିକଟରେ ନିର୍ବାଚନ ହେବ ଲୋକମତର ପରୀକ୍ଷା ହୋଇଯିବ ।