ଶୁଳିଆପଦାରେ ଲଜ୍ଜା

ଶୁଳିଆପଦା (ବଡ଼ ଖବର ବ୍ୟୁରୋ): ମୟୁରଭଞ୍ଜରେ ଲଜ୍ଜା । ଶୁଳିଆପଦାରେ ୭ବର୍ଷର ନାବାଳିକାକୁ ଦୁଷ୍କର୍ମ । ଅତି ଅମାନୁଷିକ ଭାବେ ଜଣେ ନାବାଳିକାକୁ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି । ଶୁଳିଆପଦା ଥାନା ତିଳଯୋଡି ଗାଁର ଜଣେ ନାବାଳିକା ସାଙ୍ଗମାନଙ୍କ ସହ ଖେଳୁଥିଲା । ଏହି ସମୟରେ ସେହି ଗାଁର ୩୦ବର୍ଷିୟ ଯୁବକ ସୁଲାତନ ଦାସ ଓରଫ ବାପୁନ ସେଠାରେ ପହଁଚି ନାବାଳିକାକୁ ଦୁଷ୍କର୍ମ କରିଥିଲା ।

ନାବାଳିକା ପିନ୍ଧିଥିବା ପୋଷାକରେ ତା ଗୋଡକୁ ବାନ୍ଧି ଅତି ଅମାନୁଷିକ ଭାବେ ଦୁଷ୍କର୍ମ କରିଥବା ଅଭିଯୋଗ ହୋଇଛି । ପାଖରେ ଥିବା ଅନ୍ୟ ପିଲାମାନେ ଏହାକୁ ବିରୋଧ କରିବାରୁ ଯୁବକ ଜଣକ ସେମାନଙ୍କୁ ହତ୍ୟା ଧମକ ଦେଇଥିଲା । ତେବେ ନାବାଳିକା ଜଣକ ଗୁରୁତର ହୋଇପଡିବାରୁ ସେଠାରୁ ସେ ଛାଡି ଚମ୍ପଟ ମାରିଥିଲା । ପରେ ପରିବାର ଲୋକେ ଖବର ପାଇ ଗୁରୁତର ନାବାଳିକାକୁ ଉଦ୍ଧାର କରିଥିଲେ । ଖବର ପାଇ ଶୁଳିଆପଦା ଥାନା ଅଧିକାରୀ ଘଟଣାସ୍ଥଳରେ ପହଞ୍ଚି ଅଭିଯୁକ୍ତକୁ ଗିରଫ କରିଛନ୍ତି ।