କେନ୍ଦ୍ରମନ୍ତ୍ରୀ ହୋଇପାରନ୍ତି ଶିବରାଜ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ) ବିଜେପି ହାଇକମାଣ୍ଡ ଆଜି ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂଙ୍କୁ ଦିଲ୍ଲୀ ଡକେଇଛନ୍ତି । ମୁଖ୍ୟମନ୍ତ୍ରୀ ପଦରୁ ହଟିବା ପରେ ଶିବରାଜ ପ୍ରଥମ ଥର ଦିଲ୍ଲୀ ଯାଉଛନ୍ତି । ତାଙ୍କୁ ନୂତନ ଦାୟିତ୍ୱ ଦିଆଯିବା ନେଇ ଚର୍ଚ୍ଚା ହେଉଛି । ଦିଲ୍ଲୀରେ ସେ ପାର୍ଟି ଅଧକ୍ଷ୍ୟ ଜେପି ନଡ୍ଡାଙ୍କୁ ଭେଟିବେ । ଶିବରାଜ ସିଂ ଚୌହାନ ଆଜି ସନ୍ଧ୍ୟା ୫ଟାରେ ଦିଲ୍ଲୀରେ ପହଞ୍ଚିବେ ଓ ସନ୍ଧ୍ୟା ୬ଟାରେ ପାର୍ଟି ଅଧକ୍ଷ୍ୟ ଜେପି ନଡ୍ଡାଙ୍କୁ ଭେଟିବେ । ମଧ୍ୟପ୍ରଦେଶ ସିଏମ ପଦ ଛାଡିବା ପରେ ସେ କହିଥିଲେ ‘ମୁଁ ଦିଲ୍ଲୀ ଯିବି ନାହିଁ’ ବିଜେପି ହାଇକମାଣ୍ଡ ଶିବରାଜଙ୍କୁ ଦିଲ୍ଲୀ ଡକେଇବାକୁ ନେଇ ରାଜନୈତିକ ଚର୍ଚ୍ଚା ବଢିବାରେ ଲାଗିଛି । ତାଙ୍କୁ ନୂତନ ଦାୟିତ୍ୱ ଦିଆଯିବା ନେଇ ଚର୍ଚ୍ଚା ଜୋରଧରିଛି । ଶିବରାଜ କେନ୍ଦ୍ରମନ୍ତ୍ରୀ ହୋଇପାରନ୍ତି ଏନେଇ ମଧ୍ୟ ଚର୍ଚ୍ଚା ହେଉଛି ପୂର୍ବରୁ ଆସାମ ମୁଖ୍ୟମନ୍ତ୍ରୀ ପଦରୁ ଯେବେ ସର୍ବାନନ୍ଦ ସୋନୱାଲଙ୍କୁ ହଟା ଯାଇଥିଲା ତାଙ୍କୁ ମଧ୍ୟ କେନ୍ଦ୍ରମନ୍ତ୍ରୀ ଭାବରେ ଥଇଥାନ କରାଯାଇଥିଲା ।