ବଢିଲା ଟିମ୍ ଇଣ୍ଡିଆର ମୁଣ୍ଡବିନ୍ଧା, ହସ୍ପିଟାଲରେ ଭର୍ତ୍ତି ହେଲେ ଶୁବମନ ଗିଲ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ହସ୍ପିଟାଲରେ ଭାରତୀୟ କ୍ରିକେଟ ଖେଳାଳୀ ଶୁବମନ ଗିଲ । ଶରୀରରେ ପ୍ଲେଟଲେଟ କମିବାରୁ ସ୍ୱାସ୍ଥ୍ୟବସ୍ଥା ଖରାପ ହୋଇଛି । ଫଳରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଛି । ୨୦୨୩ ବିଶ୍ୱକପ୍ ଆରମ୍ଭ ପୂର୍ବରୁ ଶୁବମନ ଗିଲ ଡେଙ୍ଗୁରେ ଆକ୍ରାନ୍ତ ଥିଲେ । ଡେଙ୍ଗୁରେ ଆକ୍ରାନ୍ତ ଯୋଗୁ ଶରୀରରେ ପ୍ଲେଟଲେଟ କମିବାରୁ ଟିମ୍ ଇଣ୍ଡିଆଠାରୁ ଦୂରେଇ ରହିଛନ୍ତି ଶୁବମନ ଗିଲ ।

ଏଥିପାଇଁ ଚେନ୍ନାଇରେ ଅଷ୍ଟ୍ରେଲିଆ ବିପକ୍ଷ ଭାରତର ପ୍ରଥମ ମ୍ୟାଚ ଖେଳି ନାହାନ୍ତି ଶୁବମନ । ଏବଂ ଆଫଗାନିସ୍ଥାନ ବିପକ୍ଷରେ ମଧ୍ୟ ଖେଳିବେ ନାହିଁ । ଅକ୍ଟୋବର୧୪ରେ ପାକିସ୍ଥାନ ବିପକ୍ଷରେ ହେବାକୁ ଥିବା ମ୍ୟାଚ ମଧ୍ୟ ଖେଳିବାର ସମ୍ଭାବନା କମ୍ ରହିଛି । କାରଣ ବର୍ତ୍ତମାନର ପରିସ୍ଥିତିକୁ ଦେଖିଲେ ସେତେବେଳ ଯାଏଁ ଶୁଭମନ ସମ୍ପୁର୍ଣ୍ଣ ସୁସ୍ଥ ହେବାର ସମ୍ଭାବନା କମ୍ ରହିଛି ।