ସୋନିଆଙ୍କ ଡିନର ରାଜନୀତି

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କେନ୍ଦ୍ରରେ କ୍ଷମତାସୀନ ବିଜେପି ସରକାର ବିରୋଧରେ ବିରୋଧୀ ଦଳ ଗୁଡ଼ିକୁ ଏକଜୁଟ୍ କରିବା ପାଇଁ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ମଧ୍ୟ ଏବେ ଡିନର ରାଜନୀତି କରିବାକୁ ଅଣ୍ଟାଭିଡ଼ିଛନ୍ତି । ଆସନ୍ତା ସପ୍ତାହ ସୋନିଆ ଏକ ନୈଶ୍ୟ ରାତ୍ରି ଭୋଜନର ଆୟୋଜନ କରୁଛନ୍ତି । ଏହା କେବଳ ରାଜନୈତିକ ବ୍ୟକ୍ତିବିଶେଷଙ୍କ ସହ ବୈଠକ ହେବ ବୋଲି ଜଣାପଡ଼ିଛି । ଏହି ଭୋଜିକୁ ଟିଏମସି ପ୍ରମୁଖ ମମତା ବାନାର୍ଜୀ, ଶିବସେନା ମୁଖ୍ୟ ଉଦ୍ଧବ ଠାକରେ, ଡିଏମକେ ମୁଖ୍ୟ ଏମକେ ଷ୍ଟାଲିନ୍, ଜେଏମଏମ୍ ମୁଖ୍ୟ ହେମନ୍ତ ସୋରେନ ଏବଂ ଏନସିପି ଅଧ୍ୟକ୍ଷ ଶରଦ ପାୱାରଙ୍କ ଭଳି ନେତାଙ୍କୁ ନିମନ୍ତ୍ରଣ କରାଯାଇଛି ।

ଅନ୍ୟପକ୍ଷେ ବିଜେପି ସରକାରରେ ସାମିଲ ହୋଇଥିବା ନୂଆମନ୍ତ୍ରୀମାନେ ଆଗାମୀ ଦିନରେ ଏକ ଜନଆଶୀର୍ବାଦ ଯାତ୍ରା ଆୟୋଜନ କରିବେ ବୋଲି ସୂଚନା ମିଳିଛି । ଏହି କାର୍ଯ୍ୟକ୍ରମରେ ବିଜେପିର ନୂଆ ୩୯ ମନ୍ତ୍ରୀ ପ୍ରାୟ ୧୯ ହଜାର ୫୬୭ କିଲୋମିଟର ପର୍ଯ୍ୟନ୍ତ ଯାତ୍ରା କରିବେ ଏବଂ ଜନତାଙ୍କ ନିକଟତର ହେବାକୁ ଚେଷ୍ଟା କରିବେ ।