ଭୁବନେଶ୍ୱର (ବଡ଼ ଖବର ବ୍ୟୁରୋ): ମହାନଦୀରେ ବନ୍ୟା ଜଳ ପ୍ରବାହିତ ହେଉଥିବା ବେଳେ ଏସଆରସି ସତ୍ୟବ୍ରତ ସାହୁ ଗୁରୁତ୍ୱପୂର୍ଣ୍ଣ ସୁଚନା ଦେଇଛନ୍ତି । ମଧ୍ୟମ ଧରଣର ବନ୍ୟା ଆଶଙ୍କା ଥିବା କହିଛନ୍ତି ଏସଆରସି । ମହାନଦୀରେ ସମ୍ଭାବ୍ୟ ବନ୍ୟା ପାଇଁ ପ୍ରଭାବିତ ହେବାକୁ ଥିବା ୭ ଜିଲ୍ଲାକୁ ସତର୍କ କରାଯାଇଛି । ୨୩ଟି ଓଡା୍ରଫ, ୮ଟି ଏନଡିଆରଏଫ ଓ ଅଗ୍ନିଶମ ବାହିନୀ ୬୨ଟି ଟିମକୁ ନିୟୋଜିତ କରାଯାଇଛି । ମୁଣ୍ଡୁଳିରେ ଏବେ ୮ଲକ୍ଷ କ୍ୟୁସେକ ଜଳ ପ୍ରବାହିତ ହେଉଥିବା ବେଳେ ଆଗକୁ ୯ ଏକ୍ଷ କ୍ୟୁସେକ ଜଳ ପ୍ରବାହିତ ହେବାର ସମ୍ଭାବନା ରହିଛି । ବନ୍ୟାଜଳ ପ୍ରବାହିତ ହେବାର ୧୨ଘଣ୍ଟା ପରେ ଜଗତସିଂପୁର, କେନ୍ଦ୍ରାପଡା, ପୁରୀର କିଛି ଅଞ୍ଚଳରେ ଏହି ବନ୍ୟା ଜଳ ପହଞ୍ଚିବ । ତେଣୁ ଏହି ୩ ଜିଲ୍ଲାକୁ ପ୍ରଶାସନକୁ ସତର୍କ କହିବାକୁ ନିର୍ଦ୍ଦେଶ ଦିଆଯାଇଛି । ସେହିଭଳି ଲଗାଣ ବର୍ଷାକୁ ନେଇ ଏସଆରସି କହିଛନ୍ତି, ଏହାଦ୍ୱାରା ୧୨ଟି ଜିଲ୍ଲାର ୮୨ଟି ବ୍ଲକର ୨୬୪ ପଞ୍ଚାୟତର ୪୮୧ ଗାଁ ପ୍ରଭାବିତ ହୋଇଛି । ବର୍ଷା କମିବା ପରେ ସ୍ଥିତିରେ ସୁଧାର ଆସିଲେ କ୍ଷୟକ୍ଷତି ରିପୋର୍ଟ ଦେବାକୁ ଜିଲ୍ଲାପାଳଙ୍କୁ କୁହାଯାଇଥିବା କହିଛନ୍ତି ଏସଆରସି ସତ୍ୟବ୍ରତ ସାହୁ ।
