ଧାରଣାରେ ବସିଲେ ସବକଣ୍ଟ୍ରାକ୍ଟର

ପାରାଦ୍ୱୀପ(ବଡ଼ ଖବର ବ୍ୟୁରୋ) : ଦୀର୍ଘ ୨ ବର୍ଷ ହେବ ସବକଣ୍ଟ୍ରାକ୍ଟର ୧୨କୋଟିରୁ ଉଦ୍ଧ୍ୱର୍ ଟଙ୍କା ଦେଉନାହିଁ ଆଇଓସିଏଲ । ୨୦୧୭ରେ ଠିକାସସ୍ଥା ପୁଞ୍ଜିଲୋଏଡ଼ ଆଇଓସିଏଲରୁ ଏକ କାମର ଟେଣ୍ଡର ପାଇଥିଲା । ଏହି କାମକୁ ସ୍ଥାନୀୟ କିଛି ଠିକାଦାରଙ୍କ ଦ୍ୱାରା ଠିକାସଂସ୍ଥା କରାଉଥିଲା । ମାତ୍ର ଟଙ୍କା ପୈଠ କରିବାରେ ପୁଞ୍ଜିଲୋଏଡ଼ ବିଫଳ ହୋଇଥିଲା । ବୁଝାମଣା ପରେ ଆଇଓସିଏଲ କର୍ତ୍ତୃପକ୍ଷ ଏହି ସବକଣ୍ଟ୍ରାକ୍ଟରଙ୍କୁ ନିଜେ ବିଲ୍ ଦେଉଥିଲେ । ଏବେ କାମ ସରିବା ପରେ ଆଇଓସିଏଲ ୧୨ କୋଟିରୁ ଉଦ୍ଧ୍ୱର୍ ଟଙ୍କା ଫାଙ୍କିବାରେ ଲାଗିଛି । ବକେୟା ଟଙ୍କା ପାଇବାରେ ବିଫଳ ହେବାରୁ ଧାରଣାରେ ବସିଛନ୍ତି ୪୨ଜଣ ସବକଣ୍ଟ୍ରାକ୍ଟର। ବର୍ଷା ସତ୍ତ୍ବେ ୪୨କଣ୍ଟ୍ରାକ୍ଟର ଆଇଓସିଏଲ ଗେଟ୍ ସମ୍ମୁଖରେ ଧାରଣା ଦେଇଛନ୍ତି । ଯଦି ତୁରନ୍ତ ବକେୟା ଅର୍ଥ ପ୍ରଦାନ କରାନଯାଏ ତେବେ ଆଇଓସିଏଲକୁ ଅର୍ଥନୈତିକ ଅବରୋଧ କରାଯିବ ବୋଲି ଆନ୍ଦୋଳନକାରୀମାନେ ଚେତାବନୀ ଦେଇଛନ୍ତି।