ଭୁବନେଶ୍ୱର(ବଡ଼ ଖବର ବ୍ୟୁରୋ): ମାଟ୍ରିକ ରେଜଲ୍ଟ ବାହାରିବା ପୂର୍ବରୁ ପୁଅ ନିଖୋଜ, ଥାନାରେ ଏଫଆଇଆର ଦେଲେ ବାପା । ଭୁବନେଶ୍ୱର ଝାରପଡ଼ା ଅଞ୍ଚଳର ଜଣେ ଛାତ୍ର ନିଖୋଜ ହୋଇଥିବା ନେଇ ଅଭିଯୋଗ ଆସିଛି। ଝାରପଡ଼ାରେ ରହୁଥିବା ଅରୁପ ପଣ୍ଡାଙ୍କ ପୁଅ ସାଇ ପ୍ରସାଦ ପଣ୍ଡା କାଲିସନ୍ଧ୍ୟାରୁ ନିଖୋଜ ଅଛନ୍ତି । ସୂଚନା ଅନୁସାରେ, ସାଇ ପ୍ରସାଦ ଗତ ସନ୍ଧ୍ୟାରେ ସହିଦ ନଗର ସ୍ଥିତ ଏକ କୋଚିଙ୍ଗ ସେଣ୍ଟରକୁ ଯାଇଥିଲେ। କ୍ଲାସ୍ ସରିବା ପରେ ସେ ଘରକୁ ଫେରିନଥିଲେ । ପରିବାର ଲୋକ ସାଇ ପ୍ରସାଦଙ୍କୁ ଖୋଜାଖୋଜି କରିଥିଲେ। ହେଲେ ତାଙ୍କର କୌଣସି ପତ୍ତା ମିଳିପାରିନଥିଲା। ଶେଷରେ ସହିଦ ନଗର ଥାନାରେ ଏଫଆଇଆର ଦେଇଛନ୍ତି ବାପା।
