ଭୟଙ୍କର ରୂପ ନେଇ ସ୍ଥଳଭାଗ ଆଡ଼େ ମାଡ଼ି ଆସୁଛି..
ଭୁବନେଶ୍ୱର (ବଡ଼ ଖବର ବ୍ୟୁରୋ): ବଙ୍ଗୋପସାଗରରେ ସୃଷ୍ଟି ହେଲା ଗଭୀର ଅବପାତ । ଭୟଙ୍କର ରୂପ ନେଇ ଏହା ସ୍ଥଳଭାଗ ଆଡ଼େ ମାଡ଼ି ଆସୁଛି। ଏହା ବର୍ତ୍ତମାନ ଆନ୍ଧ୍ରପ୍ରଦେଶର କଳିଙ୍ଗପଟ୍ଟନମଠାରୁ ପ୍ରାୟ ୧୦୦ କିଲୋମିଟର ପୂର୍ବ-ଦକ୍ଷିଣପୂର୍ବରରେ ଦୂରରେ କେନ୍ଦ୍ରୀଭୂତ ରହିଛି। ଗୋପାଳପୁରଠାରୁ ପ୍ରାୟ ୧୫୦ କିଲୋମିଟର ଦୂରରୁ ପ୍ରତି ଘଣ୍ଟାରେ ୭ କିଲୋମିଟର ବେଗରେ ପଶ୍ଚିମ ଦିଗକୁ ଗତି କରିଛି। ମଙ୍ଗଳବାର ରାତି ପ୍ରାୟ ୧୦ଟା ସୁଦ୍ଧା ଏହା ଗୋପାଳପୁରଠାରୁ ୧୫୦ କିମି, ପୁରୀଠାରୁ ୨୧୦ କିମି ଓ ବିଶାଖାପାଟନମ୍ ଠାରୁ ୨୨୦ କିମି ଦୂରରେ ଗଭୀର ଅବପାତ ରୂପେ କେନ୍ଦ୍ରୀଭୂତ ରହିଛି । ଏହା ପଶ୍ଚିମ ଉତ୍ତର-ପଶ୍ଚିମ ଦିଗକୁ ମୁହାଁଇବା ସମ୍ଭାବନା ।
ଆଜି ରାତି ସୁଦ୍ଧା ଉତ୍ତର ଆନ୍ଧ୍ର-ଦକ୍ଷିଣ ଓଡ଼ିଶା ଉପକୂଳ ଅତିକ୍ରମ ସମ୍ଭାବନା । ବିଶାଖାପାଟଣା-ଗୋପାଳପୁର ମଧ୍ୟରେ କଳିଙ୍ଗପାଟନମ ନିକଟ ହୋଇ ଅତିକ୍ରମ କରିବ । ମନ୍ଥର ଗତିରେ ଆଗକୁ ବଢ଼ୁଥିବା ଏହି ଗଭୀର ଅବପାତ ଆଜି ରାତିରେ ବିଶାଖାପାଟନମ୍ ଗୋପାଳପୁର ମଧ୍ୟରେ ଉପକୂଳ ଅତିକ୍ରମ । ଏହି ସମୟରେ ପବନର ବେଗ ଘଣ୍ଟାପ୍ରତି ୫୫ରୁ ୬୫ କିମି ରହିବ । ସ୍ଥଳଭାଗରେ ବା ଝଟକା ପବନ ଘଣ୍ଟାପ୍ରତି ୭୫ ଷ୍ଟାପ୍ରତି ୭୫ କିମି ଯାଏ ରହିବାର ସମ୍ଭାବନା ଥିବା ଭାରତୀୟ ପାଣିପାଗ ବିଭାଗ ପକ୍ଷରୁ ପୂର୍ବାନୁମାନ କରାଯାଇଛି । ତେବେ ଏହା ଉତ୍ତର ଆନ୍ଧ୍ରପ୍ରଦେଶ ଉପକୂଳ ଦେଇ ଅତିକ୍ରମ କରିବା ପରେ ଓଡ଼ିଶା ମଧ୍ୟକୁ ପ୍ରବେଶବ କରିବ ।
ଲଘୁଚାପ ଗଭୀର ଅବପାତ ପରେ ପ୍ରବଳ ବର୍ଷା ଆଶଙ୍କାକୁ ନେଇ ରେଳବାଇର ବ୍ୟାପକ ପ୍ରସ୍ତୁତି। ଖରାପ ପାଗ ଓ ବର୍ଷାକୁ ନଜରରେ ରଖି ଯାତ୍ରୀ ସୁରକ୍ଷାକୁ ପ୍ରାଥମିକତା ଦେଇଛି ପୂର୍ବତଟ ରେଳପଥ। ଭୁବନେଶ୍ୱରସ୍ଥିତ ରେଳ ସଦନରେ ଖୋଲିଛି ୨୪ ଘଣ୍ଟିଆ ଡିଜାଷ୍ଟର ମ୍ୟାନେଜମେଣ୍ଟ ସେଲ୍। ଗଭୀର ଅବପାତକୁ ନେଇ ସଜାଗ ରାଜ୍ୟ, ମୁକାବିଲା ପାଇଁ ପ୍ରସ୍ତୁତ ପ୍ରଶାସନ। ମୁଖ୍ୟ ଶାସନ ସଚିବଙ୍କ ନିର୍ଦ୍ଦେଶରେ ସମ୍ପୃକ୍ତ ବିଭାଗ ଏବଂ ଦକ୍ଷିଣ ଓଡ଼ିଶାର ଜିଲ୍ଲା ପ୍ରଶାସନ ସହ ପ୍ରସ୍ତୁତିର ସମୀକ୍ଷା କରାଯାଇଛି।