ନାବାଳିକା ନାମରେ ସମନ

ବାଲିପାଟଣା (ବଡ଼ ଖବର ବ୍ୟୁରୋ): ନାବାଳିକା ନାମରେ ସମନ ଜାରି କଲା ପୋଲିସ । ଏଭଳି ଏକ ସାଂଘାତିକ ଅଭିଯାଗ ଆସିଛି ବନମାଳିପୁର ପୋଲିସ ବିରୁଦ୍ଧରେ । ଦେଉଳଧରପୁର ଗ୍ରାମର ଧର୍ମାନନ୍ଦ ଜେନ ଓ ଅକ୍ଷୟ କୁମାର ଜେନାଙ୍କ ପରିବାର ମଧ୍ୟରେ ଗତ ବର୍ଷ ଡିସେମ୍ବର ମାସରେ ଝଗଡା ଲାଗିଥିଲା । ଏନେଇ ବାଲିପାଟଣା ଥାନାରେ ୬୫/୨୦ରେ ଏକ ମାମାଲା ରୁଜୁ କରିଥିଲା ପୋଲିସ । ଥାନା ପକ୍ଷରୁ ସମ୍ପୃକ୍ତ ପରିବାରର ୪ଜଣଙ୍କ ନାମରେ ସମନ ଜାରି କରାଯାଇଥିଲା । ଏମାନଙ୍କ ଭିତରେ ଏକ ଆଠ ବର୍ଷର ନିରିହ ନାବାଳିକା ନାଁରେ ମଧ୍ୟ ୧୦୭ ଦଫାରେ ସମନ ଜାରୀ କରିଥିଲା ବାଲିପଟଣା ପୋଲିସ । ଏନେଇ ନାବାଳିକାଙ୍କ ପରିବାର ମାନସିକ ଚାପରେ ରହିଥିବା ନେଇ ଭୂବନେଶ୍ୱର ଅତିରିକ୍ତ ଡିସିପିଙ୍କ ନିକଟରେ ଅଭିଯୋଗ କରିଥିଲେ । ଘଟଣାକୁ ବିଚାରକୁ ନେଇ ତୁରନ୍ତ ଫାଣ୍ଡି ଅଧୀକାରୀଙ୍କ ବିରୁଦ୍ଧରେ କାର୍ଯାନୁଷ୍ଠାନ ଗ୍ରହଣ କରିବା ପଇଁ ନିର୍ଦ୍ଦେଶ ଦେଇଛନ୍ତି କୋର୍ଟ । ତେବେ ଏହା ଲେଖା ସମୟରେ ତ୍ରୁଟି ହୋଇଯାଇଥିବା କହିଛନ୍ତି ବାଲିପଟଣା ଥାନା ଅଧିକାରୀ ।