ରବିବାର ସୁପରଫାଇଟ୍, ବଦଲା ନବା ପାଇଁ ସୁଯୋଗ ଛାଡ଼ିବନି ରୋହିତ ବାହିନୀ
ମୁମ୍ବାଇ (ବଡ଼ ଖବର ବ୍ୟୁରୋ): କାଲି ସୁପରଫାଇଟ । ଭାରତକୁ ସହ ମୁକାବିଲା କରିବ ଅଷ୍ଟ୍ରେଲିଆ । ପ୍ରତିଟି ଧଡ଼କନ ହେଉଛଇ ତେଜକ । ଇଣ୍ଡିଆ ଜିତିବା ପାଇଁ ମନ୍ଦିରରେ ଚାଲିଛି ପୂଜାର୍ଚ୍ଚନା । ୨୦ ବର୍ଷ ପରେ ବିଶ୍ୱକପ୍ ଫାଇନାଲରେ ମୁହାଁମୁହିଁ ହେବେ ଦୁଇ ଦଳ । ପୁଣି ଫେରିଛି ସୁଯୋଗ । ବଦଲା ନବା ପାଇଁ ସୁଯୋଗ ହାି ଛଡ଼ା କରିବ ନାହିଁ ରୋହିତ ବାହିନୀ । ୨୦୦୩ରେ ହୋଇଥିବା ଟାଇଟଲ୍ ଲଢ଼େଇରେ ପରାସ୍ତ ହୋଇଥିଲା ଭାରତ । -୦୦୩ରେ ସୌରଭ ଗାଙ୍ଗୁଲିଙ୍କ ନେତୃତ୍ୱରେ ଫାଇନାଲ ଖେଳିଥିଲା ଭାରତ । ପ୍ରଥମେ ବ୍ୟାଟିଂ କରି ଭାରତକୁ ୩୬୦ ରନର ବିଜୟ ଲକ୍ଷ୍ୟ ଦେଇଥିଲା କଙ୍ଗାରୁ ଦଳ ।
ଜବାବରେ ଭାରତ ୨୩୪ ରନ୍ ହିଁ କରିପାରିଥିଲା । ବୀରେନ୍ଦ୍ର ସେହୱାଗ ସର୍ବାଧିକ ୮୨ ରନ୍ କରିଥିବା ବେଳେ ଦ୍ରାବିଡ୍ ୪୭, ସଚିନ୍ ୪ ଓ ଗାଙ୍ଗୁଲି ୨୪ ରନ୍ କରିଥିଲେ । ୧୨୬ ରନରେ ହାରି ଟାଇଟଲରୁ ବଂଚିତ ହୋଇଥିଲା ଭାରତ । ଏଥର ଭାରତୀୟ ଟିମ୍ ଜବରଦସ୍ତ ଫର୍ମରେ ରହିଛି । ଏପର୍ୟ୍ୟନ୍ତ ବିଶ୍ୱକପରେ ଅପରାଜୟ ରହିଛି ରୋହିତ ବାହିନୀ । ତେଣୁ ଭାରତ ବିଶ୍ୱକପ୍ ଜିତିଲେ ଦ୍ରାବିଡଙ୍କ ୨୦୦୩ର ଆଶା ପୂରଣ ହୋଇପାରିବ ।