ଡ୍ରଗ୍ସ ଅଭିଯୋଗରେ ଗିରଫ ହେଲେ ସୁପରମଡେଲ ଜିଜି ହାଡିଡ

ଭୁବନେଶ୍ୱର (ବଡ଼ ଖବର ବ୍ୟୁରୋ): ସୁପରମଡେଲ ଏବଂ ଅଭିନେତ୍ରୀ ଜିଜି ହାଡିଡଙ୍କ ଠାରୁ ଯାତ୍ରା ସମୟରେ ଡ୍ରଗ୍ସ ଉଦ୍ଧାର କରାଯାଇଛି। ଏହା ପରେ ତାଙ୍କୁ ବିମାନବନ୍ଦରରୁ ଗିରଫ କରାଯାଇଥିଲା। ସୁପରମଡେଲ ଜିଜି ଏବଂ ତାଙ୍କ ବନ୍ଧୁ ଲିଆ ନିକୋଲ ମ୍ୟାକକାରିଙ୍କ ପାଖରେ ଡ୍ରଗ୍ସ ଥିବା ଅଭିଯୋଗ ହୋଇଥିଲା। ସେହି ସମୟରେ ଲେୟା ମଧ୍ୟ ତାଙ୍କ ସହିତ ଯାତ୍ରା କରୁଥିଲେ। ଜିଜି ହାଡିଡ ଏବଂ ତାଙ୍କ ବନ୍ଧୁ ଲିଆ ମ୍ୟାକକାରି ପାମ ହାଇଟ୍ସରେ ରହିଥିଲେ, ଯାହାର ଫଟୋ ଅଭିନେତ୍ରୀ ନିଜେ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଥିଲେ। ଓଭେନ ରୋବର୍ଟ ଅନ୍ତର୍ଜାତୀୟ ବିମାନବନ୍ଦରରେ କଷ୍ଟମ ଅଧିକାରୀଙ୍କ ଦ୍ୱାରା ଡ୍ରଗ୍ସ ଜବତ ହୋଇଥିଲା । ଜିଜି ଏବଂ ଲିଆଙ୍କ ବ୍ୟାଗ ଖୋଜାଖୋଜି କରିବା ସମୟରେ ଅଧିକାରୀମାନେ ଡ୍ରଗ୍ସ ପାଇଥିଲେ। ସେଥିପାଇଁ ତାଙ୍କୁ ଗିରଫ କରାଯାଇଥିଲା। ୧୨ ଜୁଲାଇ ୨୦୨୩ ରେ, ଜିଜି ହାଡିଡ ଏବଂ ମ୍ୟାକକାରିଙ୍କୁ କୋର୍ଟରେ ହାଜର କରାଯାଇଥିଲା ଏବଂ ସେମାନେ ଏହି ଅଭିଯୋଗରେ ଦୋଷୀ ସାବ୍ୟସ୍ତ ହୋଇଥିଲେ। ପ୍ରତ୍ୟେକଙ୍କୁ ୧,୦୦୦.୦୦ ଡଲାର ଜୋରିମାନା ଦେବାକୁପଡିଥିଲା, ଯାହା ପରେ ସେ ଜାମିନ ପାଇଥିଲେ।