ଆସିଲା ସୁପ୍ରିମକୋର୍ଟଙ୍କ ରାୟ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଆସନ୍ତା ଜାନୁଆରୀ ୨୬ରେ ଚାଷୀଙ୍କ ଟ୍ରାକ୍ଟର ଶୋଭାଯାତ୍ରାକୁ ନେଇ ଆଜି ସୁପ୍ରିମକୋର୍ଟ ରାୟ ଶୁଣାଇଛନ୍ତି । ସୁପ୍ରିମକୋର୍ଟରେ କୃଷକ ସଙ୍ଗଠନ ଆନ୍ଦୋଳନ ସମ୍ପର୍କିତ ଗୁରୁତ୍ୱପୁର୍ଣ୍ଣ ରାୟ ଶୁଣାଇଛନ୍ତି । ସାଧାରଣତନ୍ତ୍ର ଦିବସରେ ଟ୍ରାକ୍ଟର ଶୋଭାଯାତ୍ରା କରିବା ନେଇ ଯୋଜନା ରଖିଛନ୍ତି ଆନ୍ଦୋଳନରତ ଚାଷୀ । କୃଷକଙ୍କ ପ୍ରସ୍ତାବିତ ଏହି ଶୋଭାଯାତ୍ରାକୁ ବିରୋଧ କରି କେନ୍ଦ୍ରସରକାର ସୁପ୍ରିମକୋର୍ଟରେ ଏକ ପିଟିସନ ଦାୟର କରିଥିଲେ । ଜାତୀୟ ଉତ୍ସବ ସମୟରେ ଟ୍ରାକ୍ଟର ଶୋଭାଯାତ୍ରା ବ୍ୟାଘାତ ସୃଷ୍ଟି କରିବ ବୋଲି ସରକାର ପିଟିସନରେ ଉଲ୍ଲେଖ କରିଥିଲେ । ତେବେ ଜାନୁଆରୀ ୨୬ରେ ଏହି ଶୋଭାଯାତ୍ରାକୁ ଅନୁମତି ମିଳିବ କି ନାହିଁ ସେ ନେଇ ଆଜି ରାୟ ଶୁଣାଇଛନ୍ତି ସୁପ୍ରିମକୋର୍ଟ । ସୁପ୍ରିମକୋର୍ଟଙ୍କ ରାୟ ଅନୁଯାୟୀ ଆଇନ ଶୃଙ୍ଖଳା ରକ୍ଷା କରିବା ପୋଲିସର ଦାୟିତ୍ୱ । ତେଣୁ ଏହି ଶୋଭାଯାତ୍ରା ହେବ କି ନାହିଁ ଏହାର ନିଷ୍ପତ୍ତି ନେବା ଦିଲ୍ଲୀ ପୋଲିସର କାମ । ରାଜଧାନୀକୁ କିଏ ଆସିବେ କିଏ ଆସିବେ ନାହିଁ ଏହାର ନିଷ୍ପତ୍ତି ନେବା ଦାୟିତ୍ୱ ମଧ୍ୟ ଦିଲ୍ଲୀ ପୋଲିସର, କୋର୍ଟର ନୁହେଁ । ତେବେ ଏନେଇ ସୁପ୍ରିମକୋର୍ଟ ଶୁଣାଣିକୁ ବୁଧବାର ପର୍ଯ୍ୟନ୍ତ ସ୍ଥଗିତ ରଖିଛନ୍ତି ।
ଏହାସହ ସାଧାରଣତନ୍ତ୍ର ଦିବସରେ ଟ୍ରାକ୍ଟର ଶୋଭାଯାତ୍ରା ଦେଶ ପାଇଁ ଲଜ୍ଜାଜନକ ହେବ ବୋଲି କେନ୍ଦ୍ର ସରକାର ଦାୟର କରିଥିବା ପିଟିସନରେ ଉଲ୍ଲେଖ କରିଥିଲେ ।