ଭୁବନେଶ୍ୱର (ବଡ଼ ଖବର ବ୍ୟୁରୋ): ଦିଲ୍ଲୀରୁ ଫେରି ପ୍ରତିକ୍ରିୟା ରଖିଛନ୍ତି ବ୍ରଜରାଜନଗର ନିର୍ବାଚିତ ବିଧାୟକ ସୁରେଶ ପୂଜାରୀ । କହିଛନ୍ତି ଜଣେ ପୂର୍ବତନ ସାଂସଦ ପୂର୍ବତନ ରାଜ୍ୟ ସଭାପତି ଏବଂ ବିଧାୟକ ହିସାବରେ ମୁଁ ମୋଦିଙ୍କ ଶପଥ ଗ୍ରହଣକୁ ଯାଇଥିଲି । ଏହାକୁ ନେଇ ଗଣମାଧ୍ୟମର ଚର୍ଚ୍ଚା ନିରାଧାର । ଚର୍ଚ୍ଚା କେନ୍ଦ୍ର ନେତୃତ୍ୱ କରିବେ ଏବଂ ନିଷ୍ପତ୍ତି ମଧ୍ୟ ନେବେ । ପ୍ରଧାନମନ୍ତ୍ରୀ ଯେଉଁ କଥା କହିଥିଲେ ତାହା ହିଁ ମାପ ଦଣ୍ଡ ।
ଜଣେ ୨୪ କ୍ୟାରେଟ ଓଡ଼ିଆ ମୁଖ୍ୟମନ୍ତ୍ରୀ ହେବେ । ଓଡ଼ିଶା ଅସ୍ମିତା, ସଂସ୍କୃତି ଓ ଭାଷାକୁ ବିଶ୍ବ ଦରବାରରେ ପହଞ୍ଚାଇ ପାରୁଥିବା ଲୋକ ମୁଖ୍ୟମନ୍ତ୍ରୀ ହେବେ । ଅତୀତ ସରକାର ଭଳିଆ ଅଣଓଡ଼ିଆ ପ୍ରଶାସନ ହାତରେ ବିଜେପି ଶାସନ ଡୋରି କେବେ ଦେବ ନାହିଁ । ବିଜେପିରେ ନେତୃତ୍ୱର ଅଭାବ ନାହିଁ । ଦଳ ଯାହା ଆଗରୁ ଦାୟିତ୍ଵ ଦେଇଛି ସଠିକ୍ ଭାବରେ ତୁଲାଇଛି, ଆଗକୁ ବି ଯାହା ଦେବ ସୁଚାରୁ ରୂପେ ତୁଲାଇବି ।
