ସୁଷମା ସ୍ୱରାଜଙ୍କୁ ମିଳିଲା ପଦ୍ମଭୂଷଣ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ପଦ୍ମଭୂଷଣ ପୁରସ୍କାରରେରେ ସମ୍ମାନିତ ହେଲେ ପୂର୍ବତନ ବୈଦେଶିକ ବ୍ୟାପାର ମନ୍ତ୍ରୀ ସୁଷମା ସ୍ୱରାଜ । ସୋମବାର ରାଷ୍ଟ୍ରପତି ରାମନାଥ କୋବିନ୍ଦ ରାଷ୍ଟ୍ରପତି ଭବନରେ ଏହି ପୁରସ୍କାର ପ୍ରଦାନ କରିଛନ୍ତି । ତେବେ ସୁଷମା ସ୍ୱରାଜଙ୍କ ପକ୍ଷରୁ ତାଙ୍କ ଝିଅ ଏହି ପୁରଷ୍କାର ଗ୍ରହଣ କରିଛନ୍ତି । ଏହି ପୁରସ୍କାର ବିତରଣ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଗୃହମନ୍ତ୍ରୀ ଅମିତ ଶାହ, ବୈଦେଶିକ ବ୍ୟାପାର ମନ୍ତ୍ରୀ ଏସ.ଜୟଶଙ୍କର ମଧ୍ୟ ଉପସ୍ଥିତ ରହିଥିଲେ ।

https://www.kooapp.com/koo/PIB_India/fd13545a-c1c8-4e4e-8fb3-82e0de9ffce8

ସୁଷମା ସ୍ୱରାଜ ନିଜ ଜୀବନ କାଳ ମଧ୍ୟରେ ଅନେକ ଉନ୍ନତି ମୂଳକ କାର୍ଯ୍ୟ କରିଛନ୍ତି । ଅଟଳ ବିହାରି ବାଜପେୟୀଙ୍କ ନେତୃତ୍ୱରେ ସେ ମନ୍ତ୍ରୀ ଭାବରେ କାର୍ଯ୍ୟ କରିଥିଲେ । ୨୦୧୪ରେ ନରେନ୍ଦ୍ର ମୋଦିଙ୍କ ସରକାରରେ ମଧ୍ୟ ସେ ବୈଦେଶିକ ବ୍ୟାପାର ମନ୍ତ୍ରୀ ଭାବରେ କାର୍ଯ୍ୟ କରିଥିଲେ । ତେବେ ୧୯୯୮ ମସିହାରେ ଦିଲ୍ଲୀର ପ୍ରଥମ ମହିଳା ମୁଖ୍ୟମନ୍ତ୍ରୀ ମଧ୍ୟ ଥିଲେ ସୁଷମା ।

୨୦୨୦ ଅଗଷ୍ଟ ୬ରେ ହଠାତ ହୃଦଘାତ ହେବା କାରଣରୁ ତାଙ୍କର ଦେହାନ୍ତ ହୋଇଥିଲା । ଆଗରୁ ଅନେକ ସମ୍ମାନରେ ସମ୍ମାନିତ ହୋଇସାରିଛନ୍ତି ସୁଷମା ସ୍ୱରାଜ । ପଦ୍ମଭୂଷଣ ସମ୍ମାନ ସୁଷମାଙ୍କୁ ଦିଆଯାଉ ବୋଲି ମଧ୍ୟ ଅନେକ ଦିନରୁ ଦାବି ହୋଇ ଆସୁଥିଲା ।