ଶିକ୍ଷକଙ୍କ ମାଡ଼ରେ ଲହୁଲୁହାଣ ଛାତ୍ର

ରାଇଘର (ବଡ଼ ଖବର ବ୍ୟୁରୋ): ଶିକ୍ଷକଙ୍କ ମାଡ଼ରେ ଲହୁଲୁହାଣ ଛାତ୍ର । ଏଭଳି ଘଟଣା ଘଟିଛି କୁନ୍ଦେଇ ଥାନା ଅଧୀନ କାନାଡିହି ଗ୍ରାମରେ । ଶିକ୍ଷକଙ୍କ ମାଡ଼ରେ ଛାତ୍ର ଲହୁ ଲୁହାଣ ହୋଇଥିବା ଜଣାପଡିଛି । ଏନେଇ କୁନ୍ଦେଇ ଥାନାରେ ଏତଲା ଦିଆ ଯାଇଛି । ଏତଲା ଅନୁଯାୟୀ କାନାଡିହି ଗ୍ରାମର ଲଗନୁ ଶତନାମିଙ୍କ ପୁଅ ଧନରାଜ ସତନାମୀ ହାଟଭରଣ୍ଡି ସହିଦ ବିର୍ସାମୁଣ୍ଡା ଘରୋଇ ସ୍କୁଲରେ ପାଠ ପଢ଼ୁଥିଲେ । ପ୍ରତିଦିନ ପରି ଆଜି ମଧ୍ୟ ସକାଳ ୮ଟା ସମୟରେ ସ୍କୁଲ ଯାଇଥିଲା । ଘରକୁ ଫେରିବା ପରେ ପିଲାର ସାର୍ଟ ଖୋଲି ଦେଖିଲା ବେଳକୁ ପିଠି ସାରା ନୋଳା ଫାଟି ଯାଇଛି । ଏହା ଦେଖି ପରିବାର ଲୋକଙ୍କ ପକ୍ଷରୁ  କୁନ୍ଦେଇ ଥାନାରେ ଶିକ୍ଷକଙ୍କ ନାଁରେ ଅଭିଯୋଗ କରିଥିଲେ । ଘଟଣାକୁ କେନ୍ଦ୍ର କରି ପୋଲିସ ଏକ ମାମଲା ରୁଜୁ କରି ଶିକ୍ଷକଙ୍କ ଥାନାରେ ଅଟକ ରଖିଛି ।