ଭୁବନେଶ୍ୱର (ବଡ଼ ଖବର ବ୍ୟୁରୋ): ଭୁବନେଶ୍ୱର ମହାନଗର ନିଗମ ଆଣିଲା ନୂଆ କୋରୋନା ଗାଇଡଲାଇନ । ଗାଇଡଲାଇନ ଅନୁଯାୟୀ ବାହାଘରରେ ସର୍ବାଧିକ ୧୦୦ ଏବଂ ଅନ୍ତିମ ସଂସ୍କାରରେ ସର୍ବାଧିକ ୫୦ ଜଣ ସାମିଲ ହୋଇପାରିବେ । ୬ ଏପ୍ରିଲରୁ ଏହି ନୂଆ ନିୟମ ଲାଗୁ ହେବ । ନୂଆ କୋଭିଡ କଟକଣାକୁ କଡାକଡି କରିଛି ବିଏମସି । ଜନସମାଗମ ଓ ସମାବେଶ ଉପରେ ବିଏମସି ରୋକ ଲଗାଇଛି।
କନଫରେନ୍ସ, କନକ୍ଲେଭ୍ ଆଦି କାର୍ଯ୍ୟକ୍ରମ ପରବର୍ତ୍ତୀ ନିର୍ଦ୍ଦେଶନାମା ପର୍ଯ୍ୟନ୍ତ ବନ୍ଦ । ଶତବାର୍ଷିକୀ, ଗୋଲ୍ଡେନ ଜୁବଲି, ସିଲଭର ଜୁବଲି ଉପରେ ମଧ୍ୟ ରୋକ୍ ଲଗାଇଲା ବିଏମସି । ସେହିପରି ଶିକ୍ଷାନୁଷ୍ଠାନ ଗୁଡ଼ିକରେ ବାର୍ଷିକ ଉତ୍ସବ ପାଳନ ଉପରେ ପ୍ରତିବନ୍ଧକ ଲଗାଇଥିବାବେଳେ କୌଣସି କାର୍ଯ୍ୟକ୍ରମ ପାଇଁ ବିଏମସି ଠାରୁ ନେବାକୁ ପଡ଼ିବ ଅନୁମତି ।
