ମିଳିଲା ଲ୍ୟାବ୍ ଆସିଷ୍ଟାଣ୍ଟଙ୍କ ମୃତଦେହ
ଭୁବନେଶ୍ୱର(ବଡ଼ ଖବର ବ୍ୟୁରୋ): କଟକ ଜଗତପୁରରେ ଗତକାଲି ମହାନଦୀ ବ୍ରିଜରୁ ଡେଇଁ ନିଖୋଜ ଥିବା ଲ୍ୟାବ ଆସିଷ୍ଟାଣ୍ଟ ଦେବାଶିଷ ଦାସଙ୍କ ମୃତଦେହ ଆଜି ଉଦ୍ଧାର କରାଯାଇଛି । କଟକ ଜିଲ୍ଲା କିଷନଗରର ଥାନା ସିର୍ଲୋ ବ୍ରାହ୍ମଣଖଣ୍ଡ ମହାନଦୀ ପଠାରୁ ମୃତଦେହକୁ ଉଦ୍ଧାର କରାଯାଇଛି । ଏ ନେଇ ସାଲେପୁର ଏସଡିପିଓ ପ୍ରଶାନ୍ତ କୁମାର ମାଝୀ ସୂଚନା ଦେଇଛନ୍ତି । ତେବେ ଉଦ୍ଧାର ହୋଇଥିବା ଲ୍ୟାବ ଆସିଷ୍ଟାଣ୍ଟ ଭୁବନେଶ୍ୱରର ଏକ କଲେଜରେ ଲ୍ୟାବ ଆସିଷ୍ଟାଣ୍ଟ ଭାବେ କାର୍ଯ୍ୟ କରୁଥିଲେ ।
ଜଗତପୁର ପୋଲିସ ଦେଇଥିବା ସୂଚନା ଅନୁଯାଇ ସେ କାରରେ ତାଙ୍କ ଘରୁ ଟାଙ୍ଗୀ ଆଭିମୁଖେ ଯାଉଥିଲେ । ସାଥିରେ ତାଙ୍କ ଡ୍ରାଇଭର ମଧ୍ୟ ଥିଲେ । ମହାନଦୀ ବ୍ରିଜରୁ ସେ ତାଙ୍କ କାରକୁ ଅଟକାଇଥିଲେ । କାର ଅଟକିବା ପରେ ସେ ହଠାତ ନଦୀକୁ ଡେଇଁ ପଡିଥିଲେ ।ଅ ନେକ ଖୋଜାଖୋଜି ପରେ ଆଜି ତାଙ୍କ ମୃତଦେହ ଉଦ୍ଧାର ହୋଇଛି । ପୋଲିସର ତଦନ୍ତ ପରେ ଜଣା ପଡିଥିଲା ଯେ ଗତ କିଛି ଦିନ ଧରି ଦେବାଶିଷ ଚିନ୍ତିତ ଥିଲେ । ପାରିବାରିକ ସମସ୍ୟା ନେଇ ସେ ଚିନ୍ତିତ ଥିଲେ । ତେବେ ଏ ନେଇ ପୋଲିସ ଅଧିକ ତଦନ୍ତ କରୁଛି ।