ବସ୍‌କୁ ପିଟିଲା ହାଇୱା

ଅନୁଗୁଳ (ବଡ଼ ଖବର ବ୍ୟୁରୋ): ଅନୁଗୁଳ ଜିଲ୍ଲା ଜରପଡା ଥାନା ଜେରେଙ୍ଗ ଗାଁ ଭାଗିରଥିପୁର ଠାରେ ଯାତ୍ରୀ ବାହି ବସକୁ ଧକ୍କା ଦେଲା ହାଇୱା, ୫ ଆହତ। ଆହତମାନଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ଜିଲ୍ଲା ମୁଖ୍ୟ ଚିକିତ୍ସାଳୟ ରେ ଭର୍ତ୍ତି କଲା ଜରପଡ଼ା ପୋଲିସ । ଆଜି ସକାଳେ ଛେଣ୍ଡିପଦା ଅଞ୍ଚଳର ମୁଖ୍ୟମନ୍ତ୍ରୀ ବସ ସେବା ବାହାରି ଆଠମଲ୍ଲିକ ଅଞ୍ଚଳକୁ ଯାଉଥିଲା।

ବିଭିନ୍ନ ଛକରୁ ଯାତ୍ରୀମାନଙ୍କୁ ବସ ଯୋଗେ ନେଉଥିଲା । ଭାଗିରଥିପୁର ଛକ ଠାରେ ଯାତ୍ରୀ ଉଠାଇବା ବେଳେ ପଛରୁ ଆସୁଥିବା ଏକ ହାଇୱା ବସକୁ ଧକ୍କା ଦେଇଥିଲା। ଯାହାଫଳରେ ୫ରୁ ଅଧିକ ଆହତ ହୋଇଥିଲେ। ଖବର ପାଇ ଜରପଡ଼ା ପୋଲିସ ଘଟଣା ସ୍ଥଳରେ ପହଞ୍ଚି ଆହତମାନଙ୍କୁ ଆମ୍ବୁଲାନ୍ସ ଏବଂ ପୋଲିସ ଗାଡି ଯୋଗେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିବା ବେଳେ ଦୁର୍ଘଟଣାର ତଦନ୍ତ କରୁଥିବା ଜଣାପଡିଛି।