ଭସାଣୀ ଶୋଭାଯାତ୍ରା ବେଳେ ଶ୍ରଦ୍ଧାଳୁଙ୍କ ଉପରେ ମାଡ଼ିଗଲା କାର୍
ରାୟପୁର(ବଡ଼ ଖବର ବ୍ୟୁରୋ): ଦୁର୍ଗା ମୂର୍ତ୍ତି ବିସର୍ଜନ ଶୋଭାଯାତ୍ରା ବେଳେ ଶ୍ରଦ୍ଧାଳୁଙ୍କ ଉପରେ ମାଡ଼ିଗଲା କାର୍। ଛତିଶଗଡ ଯଶପୁର ଜିଲ୍ଲାରେ ଦୁର୍ଗା ମୂର୍ତ୍ତି ବିସର୍ଜନ ଶୋଭାଯାତ୍ରା ବେଳେ ଶ୍ରଦ୍ଧାଳୁଙ୍କ ଉପରେ ମାଡ଼ିଗଲା ଦ୍ରୁତଗତିରେ ଆସୁଥିବା କାର୍। ଏଥିରେ ୪ଜଣଙ୍କର ମୃତ୍ୟୁ ଘଟିଥିବା ବେଳେ ୧୬ ଜଣ ଆହତ ହୋଇଛନ୍ତି। ଦୁର୍ଘଟଣା ପରେ ପୂରା ଅଞ୍ଚଳରେ ଉତ୍ତେଜନାମୂଳକ ସ୍ଥିତି ଲାଗି ରହିଛି। ଉତକ୍ଷୀପ୍ତ ଲୋକେ ଅନେକ ଗାଡିରେ ନିଆଁ ଲଗାଇବା ସହ ଗାଡି ଚାଳକଙ୍କୁ ମାଡ଼ ମାରିଛନ୍ତି। ତେବେ ଘଟଣା ସ୍ଥଳରେ ପୋଲିସ କାରରେ ବସିଥିବା ଦୁଇ ଜଣଙ୍କୁ ଗିରଫ କରିଛି। ଜଣେ ହେଲେ ବବଲୁ ବିଶ୍ଵ କର୍ମା ଏବଂ ଅନ୍ୟଜଣଙ୍କ ନାମ ହେଉଛି ଶିଶୁପାଳ ସାହୁ। ଉଭୟ ମଧ୍ୟ ପ୍ରଦେଶର ବାସିନ୍ଦା।
ଛତିଶଗଡ ଦେଇ ଯାଉଥିବା ବେଳେ ରାୟଗଡ଼ ରୋଡ୍ରେ ମା ଦୁର୍ଗାଙ୍କ ମୂର୍ତ୍ତି ବିସର୍ଜନ ଶୋଭା ଯାତ୍ରା ବାହାରିଥିଲା। ଏହି ସମୟରେ ଦ୍ରୁତ ଗତିରେ ଯାଉଥିବା କାର ଲୋକଙ୍କ ଉପରେ ଚଢି ଯାଇଥିଲା।ମୁଖ୍ୟମନ୍ତ୍ରୀ ଭୂପେଶ ବଘେଲ ଟ୍ଵିଟ୍ କରି ଘଟଣାରେ ଦୁଃଖ ପ୍ରକାଶ କରିଛନ୍ତି।