ଦେଶ ଦେଖିବ ନୂଆ ସଂସଦ ଭବନ

ଭୁବନେଶ୍ୱର(ବଡ଼ ଖବର ବ୍ୟୁରୋ): ଆସନ୍ତାକାଲି ନୂଆ ସଂସଦ ଭବନକୁ ଉଦଘାଟନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏନେଇ ପ୍ରସ୍ତୁତ ଶେଷ ପର୍ଯ୍ୟାୟରେ ପହଂଚି ସାରିଛି । ଚେନ୍ନାଇରୁ ବ୍ରହ୍ମଣମାନଙ୍କୁ ଏକ ସ୍ୱତନ୍ତ୍ର ବିମାନରେ ଦିଲ୍ଲୀକୁ ଅଣାଯାଇଛି ।ଆସନ୍ତାକାଲି ଦେଶ ଦେଖିବ ନୂଆ ସଂସଦ ଭବନ । ଉଦଘାଟନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏନେଇ ନୀତି ନିର୍ଘଣ୍ଟ ସହ ପ୍ରସ୍ତୁତି ଶେଷ ହୋଇଛି । ସେଙ୍ଗୋଲ ସ୍ଥାପନ ପାଇଁ ଚେନ୍ନାଇରୁ ଦିଲ୍ଲୀକୁ ସ୍ୱତନ୍ତ୍ର ବିମାନ ଯୋଗେ ପହଂଚିଛନ୍ତି ପୂଜକ । ଏହି ସେଙ୍ଗୋଲ ବାଚସ୍ପତିଙ୍କ ଚେୟାର ନିକଟରେ ରଖାଯିବ ।

ପ୍ରାୟ ୭ହଜାର ବର୍ଗ ମିଟର ଜମିରେ ଏହା ତିଆରି ହୋଇଛି । ଏହି ଭବ୍ୟ ସୌଧରେ ଅତ୍ୟାଧୁନିକ ବ୍ୟବସ୍ଥା କରାଯାଇଛି । ନୂଆ ସଂସଦ ଭବନ ଉଦଘାଟନ ସହ ଦେଶ ସ୍ୱାଧୀନତାର ୭୫ ବର୍ଷ ପୂତି ଅବସରରେ ୭୫ ଟଙ୍କିଆ ମୁଦ୍ରା ପ୍ରଚଳନ କରାଯିବ । ଅର୍ଥ ମନ୍ତ୍ରାଳୟ ପକ୍ଷରୁ ଏନେଇ ସୂଚନା ଦିଆଯାଇଛି । ଯାହାକୁ ପ୍ରଚଳନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସେପଟେ ନୂତନ ସଂସଦ ଭବନକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନୁହେଁ ରାଷ୍ଟ୍ରମୁଖ୍ୟ ରାଷ୍ଟ୍ରପତି ଉଦଘାଟନ କରନ୍ତୁ କହି ଅଡି ବସିଛନ୍ତି କଂଗ୍ରେସ ସମେତ ୧୯ଟି ରାଜନୈତିକ ଦଳ ।