ମୃତକ ଓ ଆହତଙ୍କୁ ଖୋଜୁଛି ଡଗ ସ୍କ୍ୱାଡ
ବାଲେଶ୍ୱର (ବଡ଼ ଖବର ବ୍ୟୁରୋ): ବାହାନଗା ଟ୍ରେନ ଟ୍ରୋଜେଡି । ଆଖି ଆଗରେ ଜଳ ଜଳ ହେଉଛି ସେଦିନର ଦୃଶ୍ୟ । ଏନଡିଆରଏଫ ଠାରୁ ଆରମ୍ଭ କରି ସମସ୍ତ ଉଦ୍ଧାରକାରୀ ଦଳ ମୃତକ ଆହତଙ୍କୁ ଉଦ୍ଧାର କରିବାରେ ଲାଗି ପଡ଼ିଥିଲେ । କିନ୍ତୁ ଦୁର୍ଘଟଣାଗ୍ରସ୍ତ ଟ୍ରେନ୍ ବଗି ଗୁଡିକରୁ ମୃତ ଓ ଆହତଙ୍କୁ ଠାବ କରିଥିଲା ଏନଡିଆରଏଫର ଡଗ୍ ସ୍ୱାର୍ଡ । ଯେଉଁସବୁ ବଗି ଭିତରେ, ଉଦ୍ଧାରକାରୀ ଦଳ ପଶିବା କଷ୍ଟକର ହୋଇଥିଲା ସେଠି ଠାବ କରିବାରେ ସହଯୋଗ କରିଥିଲେ ଡଗ ସ୍କ୍ୱାର୍ଡ ।
ଉଦ୍ଧାର କାର୍ଯ୍ୟରେ ଏନଡିଆରଏଫର ୬ଟି ଡଗ୍ ନିୟୋଜିତ ହୋଇଥିଲେ । ସେମାନଙ୍କ ମଧ୍ୟରେ ଥିଲେ କାଇଜର ଓ ବନି । ଦୁର୍ଘଟଣାଗ୍ରସ୍ତ ବଗିରେ ଯେତେବେଳେ ଉଦ୍ଧାର ଚାଲିଥିଲା, ସେତେବେଳେ ଏମାନେ ଯାତ୍ରୀଙ୍କୁ ଖୋଜିବାରେ ସହଯୋଗ କରିଥିଲେ । ଭଂଗା ବଗି ତଳେ ଫଶି ରହିଥିବା ଯାତ୍ରୀଙ୍କୁ ଉଦ୍ଧାର କରିବା ସହଜ ହୋଇଥିଲା । ଆଉ ବଂଚି ଯାଇଥିଲା ଅନେକଙ୍କ ଜୀବନ ।