ଚାଷୀ ଆନ୍ଦୋଳନକୁ ୧୦୦ ଦିନ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଚାଷୀ ଆନ୍ଦୋଳନକୁ ପୂରିଲା ୧୦୦ ଦିନ । ଏହି ଅବସରରେ ସ୍ୱତନ୍ତ୍ର କାର୍ଯ୍ୟକ୍ରମ ପାଇଁ ଯୋଜନା କରୁଛନ୍ତି ଆନ୍ଦୋଳନକାରୀ ଚାଷୀ । ଏସବୁ ଭିତରେ ଚାଷୀ ନେତା ରାକେଶ ଟିକାୟତଙ୍କ ବଡ଼ ବୟାନ ସାମ୍ନାକୁ ଆସିଛି । ଚାଷୀ ଆନ୍ଦୋଳନ ଲମ୍ବା ସମୟ ଧରି ଜାରି ରହିବ। ସରକାର ଦାବି ନମାନିବା ଯାଏଁ ଆନ୍ଦୋଳନ ଜାରି ରହିବାନେଇ କହିଛନ୍ତି ଭାରତୀୟ କିଷାନ ୟୁନିୟନର ନେତା ରାକେଶ ଟିକାୟତ ।

ନୂଆ କୃଷି ଆଇନକୁ ବିରୋଧ କରି ଚାଷୀମାନେ ନଭେମ୍ବର ୨୬ ରୁ ଆନ୍ଦୋଳନ କରିଆସୁଛନ୍ତି । ଅନ୍ୟପଟେ ସରକାର ଓ ଚାଷୀଙ୍କ ମଧ୍ୟରେ ୧୧ରାଉଣ୍ଡ ଆଲୋଚନା ହୋଇସାରିଥିଲେ ମଧ୍ୟ ଏଯାଏଁ ବାହାରି ପାରୁନି ସମାଧାନ । ଏହାସହ ଆସନ୍ତା ୮ତାରିଖ ଦିନ ମହିଳା ମାନେ ଦେଶବ୍ୟାପି ଧାରଣାସ୍ଥଳକୁ ଓହ୍ଲାଇବେ। ଏହି ଦିବସକୁ ମହିଳା କୃଷକ ଦିବସ ଭାବେ ପାଳନ କରାଯିବ ।