Before Header

ପଶ୍ଚିମବଙ୍ଗ ଓ ଆସାମରେ ପ୍ରଥମ ପର୍ଯ୍ୟାୟ ଭୋଟ ଗ୍ରହଣ

0 35

କୋଲକାତା (ବଡ଼ ଖବର ବ୍ୟୁରୋ): ପଶ୍ଚିମବଙ୍ଗ ଓ ଆସାମରେ ପ୍ରଥମ ପର୍ଯ୍ୟାୟ ବିଧାନସଭା ନିର୍ବାଚନ ପାଇଁ ସକାଳ ୭ରୁ ଆରମ୍ଭ ହୋଇଛି ଭୋଟ ଗ୍ରହଣ । ପଶ୍ଚିମବଙ୍ଗରେ ପ୍ରଥମ ପର୍ଯ୍ୟାୟରେ ୩୦ଟି ଆସନ ପାଇଁ ଭୋଟ ଗ୍ରହଣ କରାଯାଉଛି । ୭୩ଲକ୍ଷ ଭୋଟର ୧୯୧ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ । ପଶ୍ଚିମବଙ୍ଗର ପଶ୍ଚିମ ମେଦିନାପୁର, ପୂର୍ବ ମେଦିନାପୁର, ପୁରୁଲିଆ, ଝାଡଗ୍ରାମ ଓ ବାଙ୍କୁରା ଜିଲ୍ଲାରେ ପ୍ରଥମ ପର୍ଯ୍ୟାୟ ଭୋଟ ଗ୍ରହଣ ହେଉଛି ।

ପଶ୍ଚିମ ମେଦିନାପୁରର ୬ଟି, ପୂର୍ବ ମେଦିନାପୁରର ୭, ପୁରୁଲିଆ ୯, ଜାଡଗ୍ରାମ ୪ ଓ ବାଙ୍କୁରା ଜିଲ୍ଲାର ୪ଟି ବିଧାନସବା ଆସନ ପାଇଁ ଭୋଟ ଗ୍ରହଣ ଚାଲିଛି । ଏହି ୫ଜିଲ୍ଲାରେ ଶାନ୍ତି ଶୃଙ୍ଖଳା ରକ୍ଷା ପାଇଁ ୬୮୪ କମ୍ପାନୀ କେନ୍ଦ୍ରିୟ ଫୋର୍ସ ମୁତୟନ କରାଯାଇଛି । ଏହି ୩୦ଟି ଆସନରେ ଟିଏମସି ଓ ବିଜେପି ମଧ୍ୟରେ କଡା ଟକ୍କର ହୋଇଛି । ୨୦୧୬ର ବିଧାନସବା ନିର୍ବାଚନରେ ଟିଏମସି ୩୦ଟି ଆସନରୁ ୨୭ଟିରେ ବିଜୟ ହୋଇଥିଲା ।

ସେପଟେ ଆସାମର ୧୨ ଜିଲ୍ଲାର ୪୭ ଆସନରେ ଭୋଟ ଗ୍ରହଣ ଆରମ୍ଭ ହୋଇଛି । ପ୍ରଥମ ପର୍ଯ୍ୟାୟରେ ୮୧ ଲକ୍ଷ ୯ହଜାର ୮୧୫ ଜଣ ଭୋଟର ମତାଧିକାର ସାବ୍ୟସ୍ତ କରୁଛନ୍ତି । ୨୦୧୬ ବିଧାନସଭା ନିର୍ବାଚନରେ ଏହି ୪୭ଟି ଆସନରୁ ୩୫ଟିରେ ବିଜେପି ଓ ଏହାର ସହଯୋଗୀ ଏଜିପି ଜିତିଥିଲେ । ଚଳିତ ନିର୍ବାଚନରେ ବିଜେପିକୁ ମାତ ଦେବା ପାଇଁ ଏଆଇଡିୟୁଏଫ ସହ ମେଂଟ କରିଛି । ୧୨୬ ଆସନ ବିଶିଷ୍ଟ ଆସାମ ବିଧାନସଭା ପାଇଁ ୩ପର୍ଯ୍ୟାୟରେ ଭୋଟ ଗ୍ରହଣ କରାଯିବ ।

Leave A Reply

Your email address will not be published.