ଖୁସି ଖବର: ଭାରତରେ ବାହାରିବାକୁ ଯାଉଛି ଆଉ ଏକ ଟିକା

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଭାରତ ପାଇଁ ଖୁସି ଖବର । ଭାରତରେ ଜୁନ ସୁଦ୍ଧା ଆସୁଛି ଆଉ ଏକ ଟିକା । କୋଭାକ୍ସିନ ଓ କୋଭିସିଲ୍ଡ ପରେ ଭାରତରେ ଆଉ ଏକ ଟିକା ବାହାରିବାକୁ ଯାଉଛି । ଏହି ସୂଚନା ଦେଇଛନ୍ତି ସେରମ ଇନଷ୍ଟିଚ୍ୟୁଟ ଅଫ ଇଣ୍ଡିଆର ସିଇଓ ଆଦର ପୁନାୱାଲା । ଶନିବାର ସେ କହିଛନ୍ତି, ଆସନ୍ତା ଜୁନ ସୁଦ୍ଧା ତାଙ୍କ କମ୍ପାନୀ ଦ୍ୱୀତିୟ କରୋନା ଟିକା ବାହାର କରିବାକୁ ଯାଉଛି ।

ସରକାରଙ୍କ ଅନୁମୋଦନ ମିଳିଲେ ଏହା ଭାରତର ତୃତୀୟ କରୋନା ଟିକା ହେବ । ସେ କହିଛନ୍ତି ଯେ ‘ନୋଭାକ୍ସ’ ସହ ହୋଇଥିବା ସହଭାଗିତା ଚୁକ୍ତି ଉତ୍ତମ ଫଳ ପ୍ରଦାନ କରିଛି । ଭାରତରେ ଏହାର ପରୀକ୍ଷା ପାଇଁ ଆବେଦନ କରାଯାଇଛି । ସବୁକିଛି ଠିକ ହେଲେ ଜୁନ ସୁଦ୍ଧା ଏହା ବ୍ୟବହାର ଲାଗି ଉପଲବ୍ଧ ହେବ । ଅନ୍ୟପଟେ ଦେଶବ୍ୟାପୀ ଚାଲିଥିବା ଟିକାକରଣ କାର୍ଯ୍ୟକ୍ରମରେ ଶନିବାର ସୁଦ୍ଧା ୩୫ ଲକ୍ଷ ୨୭ ହଜାର ସ୍ୱାସ୍ଥ୍ୟକର୍ମୀଙ୍କୁ ଟିକା ଦିଆଯାଇଛି ।