ତିରୋଧାନ ଦିବସରେ ଗାନ୍ଧିଙ୍କୁ ଅସମ୍ମାନ, ପ୍ରତିମୂର୍ତ୍ତି ଭାଙ୍ଗିଲେ ଦୁର୍ବୃତ୍ତ

ଭୁବନେଶ୍ୱର (ବଡ଼ ଖବର ବ୍ୟୁରୋ): ମହାତ୍ମା ଗାନ୍ଧିଙ୍କ ତିରୋଧାନ ଦିବସରେ ଆମେରିକାରୁ ଗାନ୍ଧିଙ୍କ ପ୍ରତି ଅସମ୍ମାନର ଖବର ଆସିଛି । ଆମେରିକା କାଲିଫର୍ନିଆର ଏକ ପାର୍କରେ ମହାତ୍ମା ଗାନ୍ଧିଙ୍କ ଏକ ପ୍ରତିମୂର୍ତ୍ତିକୁ କିଛି ଦୁର୍ବୃତ୍ତ ଭାଙ୍ଗି ଦେଇଛନ୍ତି । ଏହି ଘଟଣାକୁ ଆମେରିକାରେ ରହୁଥିବା ଭାରତୀୟ-ଆମେରିକୀୟମାନଙ୍କ ମଧ୍ୟରେ ବହୁତ ଆକ୍ରୋଶ ଦେଖାଦେଇଛି । ଏହାର ତୁରନ୍ତ ତଦନ୍ତ ଆରମ୍ଭ କରିବାକୁ ଆମେରିକା ସରକାରଙ୍କୁ ଦାବି କରିଛନ୍ତି ।

ଉତ୍ତର କାଲିଫର୍ନିଆର ଡେଭିସ୍ ସିଟିର ଏକ ପାର୍କରେ ଛଅ ଫୁଟ ଉଚ୍ଚ ଏବଂ ୨୯୪ କିଲୋଗ୍ରାମ ବିଶିଷ୍ଟ ଏକ ବ୍ରୋଞ୍ଜର ଗାନ୍ଧିଙ୍କ ପ୍ରତିମୂର୍ତ୍ତି ସ୍ଥାପନ କରାଯାଇଥିଲା । ତେବେ ଦୁର୍ବୃତ୍ତମାନେ ମୂର୍ତ୍ତିର ମୁହଁକୁ ଭାଙ୍ଗିବା ସହିତ ମୂର୍ତ୍ତିର ଗୋଡକୁ ମଧ୍ୟ ଭାଙ୍ଗିଦେଇଛନ୍ତି ।