ସିବିଏସଇ ଦ୍ୱାଦଶ ପରୀକ୍ଷାର ସୁପ୍ରିମକୋର୍ଟରେ ଶୁଣାଣି ଜୁନ ୩ ପର୍ଯ୍ୟନ୍ତ ସ୍ଥଗିତ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ସିବିଏସଇ ୨୦୨୧ ଦ୍ୱାଦର୍ଶ ବୋର୍ଡ଼ ପରୀକ୍ଷା ପାଇଁ ଆଜିର ଶୁଣାଣି ସ୍ଥଗିତ । ଜୁନ ୩ତାରିଖ ପର୍ଯ୍ୟନ୍ତ ଏହି ଶୁଣାଣିକୁ ସ୍ଥଗିତ ରଖିଛନ୍ତି ସୁପ୍ରିମକୋର୍ଟ । ଏନେଇ କେନ୍ଦ୍ର ସରକାର ଦୁଇ ଦିନ ମଧ୍ୟରେ ଚୂଡ଼ାନ୍ତ ନିଷ୍ପତ୍ତି ଗ୍ରହଣ କରିବେ ତେଣୁ ଗୁରୁବାର ପର୍ଯ୍ୟନ୍ତ ସମୟ ମାଗି ତା’ପରେ ଶୁଣାଣି ତାରିଖ ଧାର୍ଯ୍ୟ କରିବେ ବୋଲି କେନ୍ଦ୍ର ସରକାର ସୁପ୍ରିମକୋର୍ଟଙ୍କୁ ଅନୁରୋଧ କରିଥିଲେ । ଏହାପରେ ସୁପ୍ରିମକୋର୍ଟ ଏହି ନିଷ୍ପତ୍ତି ନେଇଥିବା ସୂଚନା ମିଳିଛି ।

ସିବିଏସଇ ଓ ଆଇସିଏସଇ ଦ୍ୱାଦଶ ଶ୍ରେଣୀ ପରୀକ୍ଷା ବାତିଲ ବିଷୟରେ ସରକାରଙ୍କ ନିଷ୍ପତ୍ତି ଜାଣିବା ପରେ ଜୁନ ୩ ତାରିଖରେ ଏନେଇ ଶୁଣାଣି କରିବେ ସୁପ୍ରିମକୋର୍ଟ । ତେବେ ଜୁଲାଇ ମାସରେ ଦ୍ୱାଦଶ ଶ୍ରେଣୀ ପରୀକ୍ଷା କରାଇବାକୁ ସରକାର ନିଷ୍ପତ୍ତି ନେଇଥିଲେ । କିନ୍ତୁ ମହାମାରୀର ଦ୍ୱିତୀୟ ଲହର ପାଇଁ ଏହାକୁ ସ୍ଥଗିତ କରାଯାଇଥିଲା ।