ଗୁପ୍ତଧନ ଖୋଜୁଥିଲେ, ଗିରଫ କଲା ପୋଲିସ
ଆନ୍ଧ୍ରପ୍ରଦେଶ(ବଡ଼ ଖବର ବ୍ୟୁରୋ): ଗୁପ୍ତଧନ ଖୋଜିବାର ନିଶାରେ ଲୋକମାନେ ଅନେକ କିଛି କରିଥାନ୍ତି । ଗୁପ୍ତଧନର ଆଶା ଏତେ ପାଗଳ କରିଦିଏ ଯେ, ସେମାନେ କ’ଣ କରୁଛନ୍ତି ତାହା ମଧ୍ୟ ଭୁଲିଯାନ୍ତି । ଏଭଳି ଏକ ମାମଲା ଦେଖିବାକୁ ମିଳିଛି ତିରୁପତିର ମଙ୍ଗଲମ ଅଞ୍ଚଳରେ ଯେଉଁଠି ଜଣେ ୪୦ବର୍ଷୀୟ ବ୍ୟକ୍ତିଙ୍କୁ ଗିରଫ କରିଛି ପୋଲିସ । ଏହି ବ୍ୟକ୍ତିଜଣକ ବେଆଇନ ଭାବେ ପ୍ରାଚୀନ ଗୁପ୍ତଧନ ଖୋଜିବା ଲାଗି ବିଟିଆର କଲୋନୀ ନିକଟରେ ଥିବା ଶେଷଚଲମର ପାହାଡ଼ରେ ଏକ ସୁଡ଼ଙ୍ଗ ଖୋଳୁଥିଲେ ।
ଯାହାକୁ ଗତ ଏକ ବର୍ଷ ଧରି ସେ କରିଚାଲିଛନ୍ତି । ଏହି ବ୍ୟକ୍ତିଙ୍କ ନାମ ନାଇଡ଼ୁ ହୋଇଥିବା ଜଣାପଡ଼ିଛି । ତାଙ୍କୁ ଗୁପ୍ତଧନ ଖୋଜିବା ପାଇଁ ୧୨୦ଫୁଟ ଖୋଲିବାକୁ କୁହାଯାଇଥିଲା । ୨୦୧୪ରେ ସ୍ୱୟମ୍ଭୁ ଗୁରୁଜୀ ରମେୟା ସ୍ୱାମୀଙ୍କ ସହ ଭେଟ ହୋଇଥିଲା । ଦୁହେଁ ମିଶି ଗୁପ୍ତଧନ ଖୋଜିବାକୁ ଯୋଜନା କରିଥିଲେ । ଏହାପରେ ପାହାଡ଼କୁ ଖୋଳିବାକୁ ଲାଗିଥିଲେ । ଏହାରି ମଧ୍ୟରେ ଗତ ୬ମାସ ତଳେ ବ୍ୟକ୍ତିଙ୍କ ଗୁରୁଜୀଙ୍କ ମୃତ୍ୟୁ ହୋଇଥିବା ବେଳେ ନାଇଡ଼ୁ ଏକାକୀ ଏହି ସୁଡ଼ଙ୍ଗ ଖୋଳିବା ଜାରି ରଖିଥିଲେ । ଗତକାଲି ଏଥିପାଇଁ ପୋଲିସ ତାଙ୍କୁ ଗିରଫ କରିଛି ।