ଅବସର ପ୍ରାପ୍ତ ଡାକ୍ତରଙ୍କୁ ଡକାଇଲା ସେନା

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): କୋଭିଡ ନିୟନ୍ତ୍ରଣ ପାଇଁ ଅବସର ପ୍ରାପ୍ତ ଡାକ୍ତରଙ୍କୁ ଡକାଇଲା ସେନା । ଦୁଇ ବର୍ଷ ମଧ୍ୟରେ ଅବସର ନେଇଥିବା ଡାକ୍ତରଙ୍କୁ ଡକାଇଲା ସେନା । ଅବସର ନେଇଥିବା ଡାକ୍ତର ମାନଙ୍କ ଘର ନିକଟରେ ଥିବା କୋଭିଡ ହସ୍ପିଟାଲରେ କାର୍ଯ୍ୟ କରିବାକୁ ସେନା ନିର୍ଦ୍ଦେଶ ଦେଇଛି । ସିଡିଏସ ବିପିନ ରାୱତ ପ୍ରଧାନମନ୍ତ୍ରୀଙ୍କ ସହ ଆଲୋଚନା କରିବା ପରେ ସେନା ଏହି ନିର୍ଦ୍ଦେଶ ଦେଇଛି ।

ଭାରତରେ କରୋନା ସ୍ଥିତି ଉଦବେଗ ଜନକ ଥିବାରୁ ଦେଶବାସୀଙ୍କ ବୃହତ୍ତର ସ୍ୱାର୍ଥକୁ ଦୃଷ୍ଟିରେ ରଖି ସେନା ଏଭଳି ପଦକ୍ଷେପ ନେଇଛି । ଖାଲି ଡାକ୍ତର ନୁହନ୍ତି ୨ବର୍ଷ ମଧ୍ୟରେ ସେନାରୁ ଅବସର ନେଇଥିବା ଅଫିସରମାନେ ମଧ୍ୟ ବର୍ତ୍ତମାନର ସଙ୍କଟ ସମୟରେ ସହଯୋଗର ହାତ ବଢାଇବାକୁ ସିଡିଏସ ରାୱତ ନିବେଦନ କରିଛନ୍ତି ।