ବିକାଶ ସେନା ତରଫରୁ ନିଃଶୁଳ୍କ ସାନିଟାଇଜ ବ୍ୟବସ୍ଥା

ଟିଟିଲାଗଡ (ବଡ ଖବର ବ୍ୟୁରୋ): ଦିନକୁ ଦିନ ଟିଟିଲାଗଡ଼ ସହରରେ କରୋନା କାୟା ବିସ୍ତାର କରୁଥୁବା ବେଳେ ପ୍ରତିଦିନ ବହୁତ ସଂଖ୍ୟାରେ ଆକ୍ରାନ୍ତ ଚିହ୍ନଟ ହେଉଛନ୍ତି | ତେବେ ଏହି ପରିପ୍ରେକ୍ଷିରେ ଟିଟିଲାଗଡ ବିକାଶ ସେନା ତରଫରୁ ପ୍ରତିଦିନ ବିଭିନ୍ନ ୱାର୍ଡରେ ଆକ୍ରାନ୍ତଙ୍କ ଘରକୁ ଘର ଯାଇ ନିଃଶୁଳ୍କ ସାନିଟାଇଜ କରାଯାଉଛି | ଗତକାଲି ଟିଟିଲାଗଡର ୱାର୍ଡ ନମ୍ବର ୧,୩,୪,୬ ଏବଂ ୧୪ ର ୧୦ ରୁ ଉର୍ଦ୍ଧ ଘର ସାନିଟାଇଜ କରାଯାଇଥିଲା | ଟିଟିଲାଗଡ ବିକାଶ ସେନା ସଭାପତି ଇଂ ଅମ୍ଳାନ ଷଡ଼ଙ୍ଗୀଙ୍କ ନେତୃତ୍ତ୍ୱରେ କମିଟି ସଦସ୍ୟ ପବିତ୍ର ହାତୀ ନିଜ ଜୀବନକୁ ବାଜି ଲଗାଇ ଏହି ସବୁ କାମ ଜାରି ରଖିଛନ୍ତି ଏବଂ ତାଙ୍କୁ ସହଯୋଗ କରୁଛନ୍ତି ଆସିଫ ଖାନ । ତେବେ ଆଗାମୀ ଦିନରେ ମଧ୍ୟ ଏହି ସେବା ଜାରି ରହିବ ବୋଲି ଟିଟିଲାଗଡ଼ ବିକାଶ ସେନା ସଭାପତି ଅମ୍ଳାନ ଷଡ଼ଙ୍ଗୀ କହିଛନ୍ତି |