ଭୁବନେଶ୍ୱର (ବଡ଼ ଖବର ବ୍ୟୁରୋ): ନୂଆ ବିଧାୟକ ମାନଙ୍କୁ ଦୁଇ ଦିନିଆ ଟ୍ରେନିଂ କାର୍ଯ୍ୟକ୍ରମ ବିଧାନସଭା ପକ୍ଷରୁ କରାଯାଉଛି ବୋଲି କହିଛନ୍ତି ବିଜେପି ବିଧାୟକ ସିଦ୍ଧାନ୍ତ ମହାପାତ୍ର । ସେ କହିଛନ୍ତି ଏହା ବହୁତ ଭଲ ପଦକ୍ଷେପ । ଏହି ଟ୍ରେନିଂ କାର୍ଯ୍ୟକ୍ରମରେ କେନ୍ଦ୍ର ମନ୍ତ୍ରୀ ଜେ ପି ନଡ୍ଡା, କରିଣ ରିଜ୍ଜୁଜ, ଧର୍ମେନ୍ଦ୍ର ପ୍ରଧାନ, ଜୁଏଲ ଓରାମ, ବିରୋଧୀ ଦଳ ନେତା ନବୀନ ପଟ୍ଟନାୟକ, ବରିଷ୍ଠ ସାଂସଦ ଭ୍ରତୁହରି ମହତାବ, ବରିଷ୍ଠ ବିଧାୟକ ରଣେନ୍ଦ୍ର ପ୍ରତାପ ସ୍ୱାଇଁଙ୍କ ଭଳି ବ୍ୟକ୍ତିତ୍ୱମାନେ ଏହି କାର୍ଯ୍ୟକ୍ରମରେ ଯୋଗ ଦେଇ ନୂଆ ବିଧାୟକ ମାନଙ୍କୁ ଟ୍ରେନିଂ ଦେବେ ।
ଯେଉଁମାନେ ସଂସଦ କି ବିଧାନସଭା ନୂଆ କରି ଯାଆନ୍ତି ସେମାନଙ୍କର ଓରିଏଣ୍ଟସନ କାର୍ଯ୍ୟକ୍ରମ କରାଯାଏ। ସେହି କାର୍ଯ୍ୟକ୍ରମରେ ଅଭିଜ୍ଞ ବ୍ୟକ୍ତିତ୍ୱମାନେ ଯେଉଁମାନେ ରୁଲ ଆଣ୍ଡ ପ୍ରୋସିଜିଅର ସହିତ ଜଡ଼ିତ ସେମାନେ ଟ୍ରେନିଂ ଦିଅନ୍ତି । ଆମକୁ ଭଲ ବିଧାୟକ ଓ ସାଂସଦ ହେବାକୁ ହେଲେ ଏହି କାର୍ଯ୍ୟକ୍ରମରେ ଯୋଗ ଦେବାର ନିହାତି ଆବଶ୍ୟକ ।
