ଭୁବନେଶ୍ୱର (ବଡ଼ ଖବର ବ୍ୟୁରୋ): ରାଜ୍ୟରେ ପୁଣି କମିଲା ବାଘ ସଂଖ୍ୟା । ରାଜ୍ୟରେ ଏବେ ଅଛନ୍ତି ୨୦ଟି ବାଘ । ୨୦୧୮ ଗଣନାରେ ରାଜ୍ୟରେ ଥିଲେ ୨୮ଟି ବାଘ । ଶିମିଳିପାଳରେ ବାଘ ସଂଖ୍ୟା ୮ରୁ ୧୬କୁ ବୃଦ୍ଧି ପାଇଛି । ବିଶ୍ୱ ବ୍ୟାଘ୍ର ଦିବସ ଅବସରରେ ଭାରତ ସରକାରଙ୍କ ପ’ରୁ ଏନେଇ ରିପୋର୍ଟ ପ୍ରଦାନ କରାଯାଇଛି । ୨୦୦୬ରେ ବାଘ ସଂଖ୍ୟା ରାଜ୍ୟରେ ୪୫ ଥିବା ବେଳେ ୨୦୧୦ରେ ତାହା ଖସି ଆସି ୩୨ରେ ପହଂଚିଥିଲା ।
ଏହାସହ ୨୦୧୪ରେ ୨୮, ୨୦୧୮ରେ ମଧ୍ୟ ୨୮ଟି ବାଘ ରାଜ୍ୟରେ ଥିଲେ । ହେଲେ ୨୦୨୨ରେ ବାଘ ସଂଖ୍ୟା ଆହୁରି କମିଯାଇଛି । ରାଜ୍ୟରେ ଏବେ ଅଛନ୍ତି ୨୦ଟି ବାଘ । ଦିନକୁ ଦିନ ବାଘ ସଂଖ୍ୟା କମୁଥିବା ଦେଖିବାକୁ ମିଳୁଛି । ସେପଟେ ବିଶ୍ୱ ବ୍ୟାଘ୍ର ଦିବସ ଅବସରରେ ପୁରୀ ବେଳାଭୂମିରେ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ୧୫ ଫୁଟ ଲମ୍ବର ବାଲୁକା କଳା କରିଛନ୍ତି । ବାଘଙ୍କ ସହ ପରିବେଶ ସୁରକ୍ଷାର ଦେଇଛନ୍ତି ସୁରକ୍ଷା ବାର୍ତା ।
