ଓଏଲଏକ୍ସ-ବିଜେପି ଅଫିସ ବିକ୍ରି ହେବ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସଂସଦୀୟ କ୍ଷେତ୍ର ବାରାଣାସୀରୁ ଏଭଳି ଖବର ସାମ୍ନାକୁ ଆସିଛି । କିଛି ଦୁର୍ବୃତ ମୋଦିଙ୍କ ସଂସଦୀୟ କାର୍ଯ୍ୟାଳୟକୁ ଓଏଲଏକ୍ସରେ ବିକ୍ରି ପାଇଁ ବିଜ୍ଞାପନ ଦେଇଛନ୍ତି । ମୋଦିଙ୍କ ସଂସଦୀୟ କାର୍ଯ୍ୟାଳୟର ଫଟୋ ଉଠାଇ ଓଏଲଏକ୍ସରେ ପକାଇଛନ୍ତି । କାର୍ଯ୍ୟାଳୟ ମୂଲ୍ୟ ୭ କୋଟି ୫୦ ଲକ୍ଷ ଟଙ୍କା ରଖିିଛନ୍ତି । ଏହାସହ ବିଜ୍ଞାପନରେ ଅଫିସ୍ ଭିତରର ବ୍ୟବସ୍ଥା, କଠୋରୀ, ପାର୍କିଙ୍ଗ୍ ବ୍ୟବସ୍ଥା ଓ ଅନ୍ୟାନ୍ୟ ସୁବିଧା ଥିବା କୁହାଯାଇଛି । ଏହି ଘଟଣାକୁ ପୋଲିସ ଗୁରୁତର ସହ ନେଇଛି । ପୋଲିସ ଏହି ମାମଲାରେ ଏକ ଏଫଆଇଆର ରୁଜୁ କରିବା ସହ ୪ଜଣ ଅଭିଯୁକ୍ତ ଗିରଫ କରିଛି ।