ପୋଖରୀ ପାଣିରେ ମେଣ୍ଟୁଛି ଶୋଷ

ସମ୍ବଲପୁର (ବଡ଼ ଖବର ବ୍ୟୁରୋ): ପିଇବା ପାଣି ସମସ୍ୟା, ପୋଖରୀ ପାଣିକୁ ଭରସା । ଜମନକିରା ବ୍ଲକ୍ ଡିମ୍ବିରି ମୁଣ୍ଡା ଗ୍ରାମପଞ୍ଚାୟତ ଖେଣ୍ଡି ପଡାରେ ପ୍ରାୟ ୩୦୦ ଜନ ସଂଖ୍ୟା ଥିବାବେଳେ ଗୋଟିଏ ନଳକୂପ ଥିବା ଗ୍ରାମବାସୀ ଅଭିଯୋଗ କରିଛନ୍ତି। ନଳକୂପଟିର ପାଣି ମଧ୍ୟ ପିଇବା ଯୋଗ୍ୟ ନୁହେଁ ତା ସତ୍ତ୍ୱେ ବି ନଳକୂପ ଓ ପୋଖରୀ ପାଣି ବ୍ୟବହାର କରିବାକୁ ବାଧ୍ୟ ହେଉଛନ୍ତି । ବହୁବାର ଅଭିଯୋଗ କଲେ ମଧ୍ୟ ପ୍ରଶାସନ ନିରବ ରହୁଥିବା ଗ୍ରାମବାସୀ ଜଣାଇଛନ୍ତି ।

ଡିମ୍ବିରି ମୁଣ୍ଡା ପଞ୍ଚାୟତ ଅଫିସରୁ ମାତ୍ର ୫୦୦ମିଟର ଥିବା ଏହି ପଡାରେ ଯଦି ଏପରି ଅସୁବିଧାର ସମ୍ମୁଖୀନ ହେଉଛନ୍ତି ତାହେଲେ ପଞ୍ଚାୟତର ଅନ୍ୟ ଗ୍ରାମ ଗୁଡ଼ିକ କିପରି ଥିବ ତାହା ପ୍ରଶ୍ନ ବାଚୀ ସୃଷ୍ଟି କରିଛି । ପୋଖରୀର ଦୂଷିତ ପାଣି ବ୍ୟବହାର କରି ଲୋକମାନେ ବିଭିନ୍ନ ରୋଗର ଶିକାର ହେଉଛନ୍ତି । ତଥାପି ପ୍ରଶାସନ ଧ୍ୟାନ ଦେଉନଥିବାରୁ ଜନସାଧାରଣ ଅସନ୍ତୋଷ ପ୍ରକାଶ କରିଛନ୍ତି । ଅଭିଯୋଗ ନଶୁଣିଲେ ଆଗକୁ ରାଜରାସ୍ତାକୁ ଓହ୍ଲାଇ ଆନ୍ଦୋଳନ କରିବା ପାଇଁ ଚେତାବନୀ ଦେଇଛନ୍ତି ଗ୍ରାମବାସୀ ।