ଭୁବନେଶ୍ୱର(ବଡ଼ ଖବର ବ୍ୟୁରୋ): କରୋନା ମୁକାବିଲା ପାଇଁ ସୋମବାର ବସିଥିଲା ସର୍ବଦଳୀୟ ବୈଠକ । ବୈଠକରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କରିଛନ୍ତି ବଡ଼ ଘୋଷଣା । ୨୪ ମଇରୁ ତିନି ମାସ ପର୍ଯ୍ୟନ୍ତ ଘରକୁ ଘର ବୁଲି କରୋନା ଲକ୍ଷଣ ଓ ଜଟିଳ ରୋଗର ସର୍ଭେ କରିବେ ଆଶା କର୍ମୀ । ସେମାନଙ୍କୁ ମିଳିବ ପ୍ରୋତ୍ସାହନ । କୋଭିଡ଼ ନିୟନ୍ତ୍ରଣ କାର୍ଯ୍ୟକ୍ରମରେ ପ୍ରତି ଗାଁରେ ଥିବା ଗାଁ କଲ୍ୟାଣ ସମିତି ସାମିଲ ହେବ । ଏଥିପାଇଁ ଗାଁ କଲ୍ୟାଣ ସମିତିକୁ ଦିଆଯିବ ପ୍ରୋତ୍ସାହନ ।
ପରିସ୍ଥିତିକୁ ଦେଖି ଗାଁରେ ଲକ୍ଡାଉନ ଓ ସଟଡାଉନ୍ ସଂପର୍କରେ ସରପଞ୍ଚମାନେ ନିଷ୍ପତ୍ତି ନେଇପାରିବେ । କୋଭିଡରେ ମୃତ ବ୍ୟକ୍ତିଙ୍କ ପିଲାଙ୍କୁ ମଧୁବାବୁ ପେନ୍ସନ୍ ଯୋଜନାରେ ସାମିଲ କରାଯିବ । ସେମାନଙ୍କୁ ମାଗଣା ଶିକ୍ଷା ଦେବେ ସରକାର । ଅକ୍ସିଜେନ ଯୋଗାଣର ସୁପରିଚାଳନା ପାଇଁ ଗଠନ ହେବ ଟାସ୍କଫୋର୍ସ । ମାଷ୍ଟରପ୍ଲାନ ପ୍ରସ୍ତୁତ ହେବ ବୋଲି ମୁଖ୍ୟମନ୍ତ୍ରୀ ଘୋଷଣା କରିଛନ୍ତି ।
