ଆଜିଠୁ ଲର୍ଡସରେ ଦ୍ୱତୀୟ ଟେଷ୍ଟ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଆଜିଠୁ ଭାରତ-ଇଂଲଣ୍ଡ ମଧ୍ୟରେ ଐତିହାସିକ ଲର୍ଡସରେ ଆରମ୍ଭ ହେବ ଦ୍ୱିତୀୟ ଟେଷ୍ଟ । ପ୍ରଥମ ଟେଷ୍ଟ ବର୍ଷା ଯୋଗୁ ବାଧାପ୍ରାପ୍ତ ହୋଇଥିଲା । ଚମତ୍କାର ବୋଲିଂ ଯୋଗୁ ଭାରତର ବିଜୟ ସମ୍ଭାବନା ସୃଷ୍ଟି ହୋଇଥିଲା । ହେଲେ ଶେଷ ଦିନରେ ଖେଳକୁ ବର୍ଷା ଧୋଇନେବାରୁ ନିଶ୍ଚିତ ବିଜୟ ଭାରତ ହାତରୁ ଖସି ଯାଇଥିଲା । ଏପରି ସ୍ଥଳରେ ଲର୍ଡସରେ ଭାରତ ବ୍ୟାଟିଂରେ ଉନ୍ନତି ଆଣିବାକୁ ଚେଷ୍ଟା କରିବ ।

ଲର୍ଡସରେ ଉଭୟ ଦଳ ଶେଷ ଥର ପାଇଁ ଟେଷ୍ଟ ଖେଳିଥିଲେ । ଶାର୍ଦୁଲ ଠାକୁର ଆହତ ହୋଇଥିବାରୁ ତାଙ୍କ ସ୍ଥାନରେ ଅଶ୍ୱିନଙ୍କୁ ସୁଯୋଗ ମିଳିପାରେ । ଏହା ବାଦ୍ ଇଶାନ୍ତ ଶର୍ମାଙ୍କୁ ମଧ୍ୟ ବିକଳ୍ପ ଭାବେ ନିଆଯାଇପାରେ । ୨୦୧୪ରେ ଏହି ପଡ଼ିଆରେ ଦମଦାର ପ୍ରଦର୍ଶନ କରିଥିଲେ । ଅଶ୍ୱିନ୍ ଓ ଇଶାନ୍ତଙ୍କୁ ଚୂଡାନ୍ତ ଦଳରେ ରଖାଗଲେ ମହମ୍ମଦ ସିରାଜଙ୍କୁ ବାଦ୍ ଦିଆଯାଇପାରେ ।