ଅନାସ୍ଥା ପ୍ରସ୍ତାବକୁ ବାଚସ୍ପତିଙ୍କ ମଞ୍ଜୁରୀ

ନୂଆଦିଲ୍ଳୀ  (ବଡ଼ ଖବର ବ୍ୟୁରୋ): ମଣିପୁର ହିଂସାକୁ ନେଇ ସଂସଦରେ ଉତ୍ତେଜନା ଜାରି ରହିଛି। ଏହି ପ୍ରସଙ୍ଗରେ ସରକାରଙ୍କ ବିରୋଧରେ ଏକ ଅନାସ୍ଥା ପ୍ରସ୍ତାବ ଆଣିବାକୁ ବିରୋଧୀ ନିଷ୍ପତ୍ତି ନେଇଛନ୍ତି। କଂଗ୍ରେସ ଲୋକ ସଭାରେ ଏକ ଅନାସ୍ତା ପ୍ରସ୍ତାବ ଉପସ୍ଥାପନ କରିଥିଲା, ଯାହା ପରେ ବାଚସ୍ପତି ସ୍ବୀକାର କରିଛନ୍ତି। ଅନାସ୍ଥା ପ୍ରସ୍ତାବକୁ ମଞ୍ଜୁରୀ ଦେବା ପରେ ଲୋକ ସଭା ବାଚସ୍ପତି କହିଛନ୍ତି, ସମସ୍ତ ଦଳ ସହ କଥା ହେବା ପରେ ସେ ଆଲୋଚନା ପାଇଁ ସମୟ ସ୍ଥିର କରିବେ।

ଏସବୁ ଭିତରେ କଂଗ୍ରେସ ସାଂସଦ ଶଶି ଥରୁର କହିଛନ୍ତି କି, ମଣିପୁର ଘଟଣାକୁ ନେଇ ଯଦି ପ୍ରଧାନମନ୍ତ୍ରୀ ସଂସଦରେ ବୟାନ ଦେଇଥାନ୍ତେ ତେବେ ଅନାସ୍ଥା ପ୍ରସ୍ତାବର ଆବଶ୍ୟକତା ପଡି ନଥାନ୍ତା । କଂଗ୍ରେସ ସାଂସଦ ରାଜୀବ ଶୁକ୍ଳା କହିଛନ୍ତି କି ଅନାସ୍ଥା ପ୍ରସ୍ତାବ ବାଚସ୍ପତିଙ୍କ ଦ୍ୱାରା ସ୍ୱୀକାର ହେବା ପରେ ଆଶା କରୁଛୁ କି ସଂସଦରେ ଏହାକୁ ପ୍ରାଥମିକତା ଦିଆଯିବ ।