ପ୍ରବଳ ବର୍ଷାକୁ ନେଇ ସତର୍କ ଜାରି କଲେ SRC

ଭୁବନେଶ୍ୱର(ବଡ଼ ଖବର ବ୍ୟୁରୋ) :  ରାଜ୍ୟର ପ୍ରାୟ ଦଶଟି ଜିଲ୍ଲାରେ ୨୦୦ ମିଲିମିଟରରୁ ଅଧିକ ବର୍ଷା ହୋଇଛି ।ସୂଚନା ଅନୁସାରେ କେବଳ ନବରଙ୍ଗପୁର ଜିଲ୍ଲାକୁ ଛାଡି ଦେଲେ ଆଉ ସବୁ ଜିଲ୍ଲାରେ ଅଧିକ ବର୍ଷା ହୋଇଛି । ତେବେ ପୁରୀ ଜିଲ୍ଲାର ଅସ୍ତରଙ୍ଗ ଓ କାକଟପୁରରେ ୫୦୦ ମିଲିମିଟର ବର୍ଷା ହୋଇଛି । ପ୍ରବଳ ବର୍ଷାକୁ ଦୃଷ୍ଟିରେ ରଖି ସତର୍କ ସୂଚନା ଜାରି କରିଛନ୍ତି SRC ପ୍ରଦୀପ ଜେନା । ଯେଉଁଠି ପାଣି ଜମିଛି ସେଠି ଚାଷ କ୍ଷୟକ୍ଷତି ଉପରେ ନଜର ରଖି ରିପୋର୍ଟ ଦେବାକୁ କୃଷି ବିଭାଗକୁ ନିର୍ଦ୍ଦେଶ ଦେଇଛନ୍ତି SRC ।

ସେପଟେ ଉପରମୁଣ୍ଡରେ ଅଧିକ ବର୍ଷା ପାଇଁ ଆଜି ପର୍ଯ୍ୟାକ୍ରମେ ହୀରାକୁଦର ୬ ଟି ଗେଟ ଖୋଲିବାକୁ ନିଷ୍ପତି ନିଆଯାଇଛି । ତେବେ ଗେଟ ଖୋଲିବା ପରେ ମହାନଦୀରେ କୌଣସି ବନ୍ୟା ଆଶଙ୍କା ନାହିଁ ବୋଲି ଜଳସଂପଦ ବିଭାଗର ସର୍ବୋଚ୍ଚ ଯନ୍ତ୍ରୀ ଧୀରେନ ସାମଲ କହିଛନ୍ତି । ତେବେ ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ବର୍ଷାର ପ୍ରଭାବ ଏବେ ବି ସକ୍ରିୟ ରହିଛି । ଗତ ୬ ଘଣ୍ଟାରେ ଏହା ଘଣ୍ଟା ପ୍ରତି ୨୧ କି.ମି ବେଗରେ ଗତି କରୁଥିବା ନେଇ ଆଞ୍ଚଳିକ ପାଣିପାଗ କେନ୍ଦ୍ର ସୂଚନା ଦେଇଛି ।