ଶୋଇଥିବାବେଳେ ଚଢିଗଲା ଟ୍ରକ

ଗୁଜୁରାଟ (ବଡ଼ ଖବର ବ୍ୟୁରୋ): ଶୋଇଥିବା ଲୋକଙ୍କ ଉପରେ ଟ୍ରକ୍ ଚଢିଗଲା, ୮ମୃତ । ଗୁଜରାଟର ଆମ୍ରେଲିରେ ରାସ୍ତାକଡ଼ରେ ଶୋଇଥିବା ଲୋକଙ୍କ ଉପରେ ଆଜି ପ୍ରତ୍ୟୁଷର ଏକ ଦ୍ରୁତଗାମୀ ଟ୍ରକ୍ ଚଢିଯାଇଥିଲା । ଏହି ଦୁର୍ଘଟଣାରେ ୮ ଜଣ ଶ୍ରମିକ ଘଟଣାସ୍ଥଳରେ ପ୍ରାଣ ହରାଇଥିବା ବେଳେ ୨ଜଣ ଆହତ ହୋଇଛନ୍ତି। ସେମାନଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି । ଅମରେଲି ଏସପି ନିର୍ଲିପ୍ତା ରାୟ କହିଛନ୍ତି ମୃତ ବ୍ୟକ୍ତିଙ୍କ ମଧ୍ୟରେ ୮ ଓ ୧୩ ବର୍ଷ ବୟସର ଦୁଇ ଶିଶୁ ଓ ଦୁଇ ବୃଦ୍ଧ ଅଛନ୍ତି । ଦୁଇ ଶିଶୁ ମଧ୍ୟ ଗୁରୁତର ହୋଇଛନ୍ତି। ପୋଲିସ ଡ୍ରାଇଭରକୁ ଗିରଫ କରି ଟ୍ରକକୁ ଜବତ କରିଛି । ମୁଖ୍ୟମନ୍ତ୍ରୀ ବିଜୟ ରୁପାନି ଏହି ଦୁର୍ଘଟଣାରେ ଦୁଃଖ ପ୍ରକାଶ କରିବା ସହ ଗୁରୁତର ଲୋକଙ୍କୁ ତୁରନ୍ତ ଏବଂ ଉପଯୁକ୍ତ ସହାୟତା ପ୍ରଦାନ କରିବାକୁ ନିର୍ଦ୍ଦେଶ ଦେଇଛନ୍ତି । ଏହି ଦୁର୍ଘଟଣାରେ ମୃତ ବ୍ୟକ୍ତିଙ୍କ ନିକଟ ସମ୍ପର୍କୀୟଙ୍କୁ ୪ଲକ୍ଷ ଲେଖାଏଁ ଟଙ୍କା ଆର୍ଥିକ ସହାୟତା ପ୍ରଦାନ କରାଯିବ ବୋଲି ମୁଖ୍ୟମନ୍ତ୍ରୀ ଘୋଷଣା କରିଛନ୍ତି ।