କେନ୍ଦୁଝର (ବଡ଼ ଖବର ବ୍ୟୁରୋ): ୪୯ ନମ୍ବର ଜାତୀୟ ରାଜପଥର ମହୁଲଡିଆ ଗାଁ ନିକଟରେ ମର୍ମନ୍ତୁୁଦ ଦୁର୍ଘଟଣା । ଟ୍ରକ୍କକୁ ଧକ୍କା ଦେଲା ଟ୍ରକ । ଦୁର୍ଘଟଣା ଏତେ ଭୟାନକ ଥିଲା ଯେ ଘଟଣାସ୍ଥଳରେ ଜଳିଗଲା ଧକ୍କା ଦେଇଥିବା ଟ୍ରକ । ଟ୍ରକ ଭିତରେ ଥିବା ଡ୍ରାଇଭରର ଜୀବନ୍ତ ଦଗ୍ଧ ହୋଇଥିବା ଜଣାପଡିଛି । କେନ୍ଦୁଝର ଜିଲ୍ଲାର ସନର ଥାନା ଏନଏଚ ୪୯ ମହୁଲଡିଆ ଗାଁ ନିକଟରେ ଘଟିଛି ଏହି ଦୁର୍ଘଟଣା । ଦ୍ରୁତ ଗତିରେ ଆସୁଥିବା ଏକ ଟ୍ରକ ଆଉ ଏକ ଟ୍ରକକୁ ପଛରୁ ପିଟିଛି ।ବଡ଼ ଧରଣର ଧକ୍କା ହେବା ପରେ ଟ୍ରକଟିରେ ସଙ୍ଗେ ସଙ୍ଗେ ନିଆଁ ଲାଗିଯାଇଛି ।
ଟ୍ରକ ଭିତରେ ଥିବା ଡ୍ରାଇଭର ଜଣଙ୍କ ଗାଡିରୁ ବାହାରି ନ ପାରି ଜୀବନ୍ତ ଜଳିଯାଇ ମୃତ୍ୟୁବରଣ କରିଛି । ଘଟଣାସ୍ଥଳରେ ପୋଲିସ ପହଞ୍ଚି ଅଗ୍ନିଶମ ବାହାନୀକୁ ସୂଚନା ଦେଇଥିଲା । ଏହାପରେ ଅଗ୍ନିଶମ ବାହାନୀ ସେଠାରେ ପହଞ୍ଚି ନିଆଁ ଆୟତତ୍ତ ସହ ଡ୍ରାଇଭରଙ୍କ ମୃତଦେହ ଉଦ୍ଧାର କରିଥିଲା । ସ୍ଥାନୀୟ ଲୋକେ ଏପରି ଦୃଶ୍ୟ ଦେଖି ଭୟଭୀତ ହୋଇଛନ୍ତି ।
