ଗାଁ ଦାଣ୍ଡରେ ଯୁବକଙ୍କୁ ପିଟିପିଟି ହତ୍ୟା
ଗଞ୍ଜାମ(ବଡ଼ ଖବର ବ୍ୟୁରୋ): ଗଞ୍ଜାମ ଜିଲ୍ଲାରେ ବିଗୁଡୁଛି ଆଇନ ଶୃଙ୍ଖଳା ପରିସ୍ଥିତି । ନିର୍ବାଚନ ପୂର୍ବରୁ ଗଞ୍ଜାମ ଜିଲ୍ଳାରେ ଦେଖାଦେଲାଣି ଅଶାନ୍ତ ବାତାବରଣ । ଖଲ୍ଲିକୋଟ ବ୍ଲକ ଅନ୍ତର୍ଗତ ତଥା କୋଦଳା ଥାନା ଅଧିନସ୍ଥ ଦାନପୁର ଗ୍ରାମରେ ଜଣେ ଯୁବକଙ୍କୁ ବିଭତ୍ସ ଭାବେ ହତ୍ୟା କରାଯାଇଥିବା ସୂଚନା ମିଳିଛି । ମୃତ ଯୁବକଙ୍କ ମୁହଁକୁ ପଥର କିମ୍ବା ସାବଳରେ ଛେଚି ସମ୍ପୂର୍ଣ୍ଣ ନଷ୍ଟ କରି ଦିଆଯାଇଛି ।
ଖବର ପାଇ ଦାନପୁର ଗ୍ରାମରେ କୋଦଳା ପୋଲିସ ପହଞ୍ଚି ଶବକୁ ଜବତ କରି ତଦନ୍ତକୁ ଜୋରଦାର କରିଛି । ମୃତ ଯୁବକ ଜଣଙ୍କ ଆସିକା ବ୍ଲକ ଉପା ଅଧକ୍ଷାଙ୍କ ଦେଢଶୁର ସୁନିଲ ନାହାକ ବୋଲି ସୂଚନା ମିଳିଛି । ହତ୍ୟାର କାରଣ ଅସ୍ପଷ୍ଟ ରହିଛି । ରକ୍ତ ଜୁଡୁବୁଡୁ ଅବସ୍ଥା ରେ ଗାଁ ଦାଣ୍ଡରେ ପଡି ରହିଛି ମୃତ ଶରୀର। ପୋଲିସ ପହଞ୍ଚି ଶବକୁ ଜବତ କରି ତଦନ୍ତ ପ୍ରକ୍ରିୟାକୁ ଜୋରଦାର କରିଛନ୍ତି ।