କେନ୍ଦୁଝର(ବଡ଼ ଖବର ବ୍ୟୁରୋ):କେନ୍ଦୁଝର ଜିଲ୍ଲାରେ ରାଜ୍ୟ ସରକାରଙ୍କ ପକ୍ଷରୁ ଆରମ୍ଭ ହୋଇଛି ଆମ ଓଡ଼ିଶା, ନବୀନ ଓଡ଼ିଶା କାର୍ୟ୍ୟକ୍ରମ । ଏହି ଯୋଜନାରେ କେନ୍ଦୁଝର ଜିଲ୍ଲାର ୧୩ ଟି ବ୍ଳକ କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସାମିଲ କରିଛନ୍ତି। ଏହାର ଲକ୍ଷ ପ୍ରତି ଗାଁ ହେବ ସଶକ୍ତ ଓଡ଼ିଶାର ପ୍ରତିଛବି । ଏହି ନାରାରେ ଯୋଜନାର ଶୁଭାରମ୍ଭ ହୋଇଛି । ଏହି ଯୋଜନାରେ କେନ୍ଦୁଝର ଜିଲ୍ଲାରେ ୧୪୮ କୋଟି ୫୦ ଲକ୍ଷ ଟଙ୍କା ବ୍ୟୟରେ ୩ ହଜାର ୫୬୮ଟି ବିଭିନ୍ନ ଉନ୍ନୟନ ପ୍ରକଳ୍ପ ସାମିଲ ହୋଇଛି ।
ସେଥିମଧ୍ୟରୁ ସାହାରପଡା ବ୍ଲକର ୨୦ଟି ପଞ୍ଚାୟତକୁ ୧୦ କୋଟି ଓ ପାଟଣା କୁ ୧୦ କୋଟି ଟଙ୍କା ପ୍ରଦାନ କରାଯାଇଛି । ଏହି ଅବସରରେ ପାଟଣା ବିଧାୟକ ଜଗନ୍ନାଥ ନାଏକ, ବିଡିଓ ମାଧବ ଚନ୍ଦ୍ର ବିରୁଆ,ତହସିଲଦାର ପ୍ରିୟଦର୍ଶିନୀ ପତି,ଏପିଓ ମନାଲିସା ସାମଲ, କନିଷ୍ଠ ଯନ୍ତ୍ରୀ ତପନ କୁମାର ପଲେଇ, ଯନ୍ତ୍ରୀ ଉତ୍କଳ ବେହେରା, ଏବଂ ସମସ୍ତ ପଞ୍ଚାୟତର ସରପଞ୍ଚ ସମିତି ସଭ୍ୟ ଓ ଏସଏସଜି ମା ମାନେ ଉପସ୍ଥିତ ଥିଲେ ।
