ଆଜି ରେଙ୍ଗାଲି ଡ୍ୟାମରେ ପ୍ରଥମ ବନ୍ୟାଜଳ ନିଷ୍କାସନ

ଅନଗୁଳ (ବଡ଼ ଖବର ବ୍ୟୁରୋ): ବୁଧବାର ରେଙ୍ଗାଲି ଡ୍ୟାମରେ ପ୍ରଥମ ବନ୍ୟାଜଳ ନିଷ୍କାସନ । ଅନଗୁଳ ଜିଲ୍ଲା କନିଆଁ ବ୍ଲକ ରେଙ୍ଗାଲି ଡ୍ୟାମରେ ପ୍ରଥମ ବନ୍ୟାଜଳ ନିଷ୍କାସନ କରାଯିବ । ବୁଧବାର ଗୋଟିଏ ଗେଟ ଦେଇ ଚଳିତ ବର୍ଷର ପ୍ରଥମ ବାନ୍ୟାଜଳ ନିଷ୍କାସନ କରାଯିବ । ସୂଚନା ଅନୁଯାୟୀ, ରେଙ୍ଗାଲି ଡ୍ୟାମର ସର୍ବୋଚ୍ଚ ଜଳଧରଣା ୧୧୬.୪୦ମିଟର ରହିବା କଥା । ପ୍ରତି ସେକେଣ୍ଡରେ ଜଳଭଣ୍ଡାର ମଧ୍ୟକୁ ୨୩୪୭.୨୫ ଘନ ମିଟର ଜଳ ପ୍ରବେଶ କରୁଥିବା ବେଳେ ପାୱାର ଚାନେଲ ଦେଇ ୫୯୭.୧୧ ଘନ ମିଟର ଜଳ ନିଷ୍କାସିତ ହେଉଛି ।

ପ୍ରତି ଘଣ୍ଟାରେ ଡ୍ୟାମରେ ୩ ସେଣ୍ଟିମିଟର ଜଳ ବୃଦ୍ଧି ପାଉଛି । ଫଳରେ ବୁଧବାର ସେଠାରେ ଥିବା ୨୪ ଟି ଗେଟ ମଧ୍ୟରୁ ଗୋଟିଏ ଗେଟ ଖୋଲା ଯାଇ ଚଳିତ ବର୍ଷର ପ୍ରଥମ ଜଳ ନିଷ୍କାସନ କରାଯିବ । ରେଙ୍ଗାଲି ଡ୍ୟାମର ନିମ୍ନରେ ବ୍ରହ୍ମଣୀ ନଦୀର କୂଳରେ ବସ ବାସ କରୁଥିବା ଅଧିବାସୀ ମାନଙ୍କୁ ସତର୍କ ରହିବାକୁ ବନ୍ୟା ନିୟନ୍ତ୍ରଣ କକ୍ଷ ପକ୍ଷରୁ ପରାମର୍ଶ ଦିଆଯାଇଛି।