ବ୍ରିଜ ତଳକୁ ଖସିଲା ଦୁଇ ଟ୍ରକ୍

ଅନୁଗୁଳ, (ବଡ଼ ଖବର ବ୍ୟୁରୋ): ଅନଗୁଳ ଜିଲ୍ଲା ବଅଁରପାଳ ବ୍ଲକ୍ ବନ୍ଦା ଓଭରବ୍ରିଜରେ ଦୁଇ ଟ୍ରକ୍ ମଧ୍ୟରେ ଧକ୍କା ହୋଇ ନାଲକୋ ଟ୍ରେନ ଟ୍ରାକ୍ ଉପରେ ପଡ଼ି ରହିଛି। ସୂଚନା ଅନୁଯାୟୀ ଚିପ୍ସ୍ ବୋଝେଇ ଟିପର (ନଂ-ଓଆର୧୪-ଡବ୍ଲ୍ୟୁ୪୬୯୬) ଗୁଡ଼ିଆକାଟେଣୀରୁ ଅନୁଗୁଳ ଅଭିମୁଖେ ଯାଉଥିବା ସମୟରେ ବନ୍ଦା ଓଭରବ୍ରିଜ ନିକଟରେ ତାକୁ ପଛରୁ ଅନ୍ୟ ଏକ ଟ୍ରକ୍ (ନଂ-ଓଆର୧୯-ବି୪୫୮୮) ଧକ୍କା ଦେଇଥିଲା। ଯାହା ଦ୍ଵାରା ଦୁଇ ଟ୍ରକ୍ ବ୍ରିଜ ତଳକୁ ଖସି ପଡ଼ିଥିଲା। ଓଆର୧୯-ବି୪୫୮୮ନଂ ଟ୍ରକର ଡ୍ରାଇଭରଙ୍କ କହିବା ଅନୁସାରେ ସେ ଅତ୍ୟଧିକ ମଦ୍ୟପାନ କରି ଗାଡ଼ି ଚଳାଉଥିଲେ। ସ୍ଥାନୀୟ ଲୋକେ ଗୁରୁତର ଆହତଙ୍କୁ ମେଡିକାଲ ନେବା ପାଇଁ ଆମ୍ବୁଲାନ୍ସକୁ ଫୋନ କରିଥିଲେ। ମାତ୍ର ଆମ୍ବୁଲାନ୍ସ ସେବା ମିଳିପାରି ନ ଥିଲା। ବଅଁରପାଳ ପୋଲିସ ଘଟଣାସ୍ଥଳରେ ପହଞ୍ଚି ଗାଡ଼ି ଦୁଇଟିକୁ ଉଦ୍ଧାର କରିଛି।