ଛତିଶଗଡ଼(ବଡ଼ ଖବର ବ୍ୟୁରୋ): ବିଧାନସଭା ନିର୍ବାଚନ ପୂର୍ବରୁ ସରଗରମ ହୋଇଛି ଛତିଶଗଡ଼ ରାଜନୀତି । ଛତିଶଗଡ଼ କଂଗ୍ରେସ ସରକାରରେ ହୋଇଛି ବଡ଼ଧରଣର ଅଦଳବଦଳ। ଯାହା ଫଳରେ ରାଜ୍ୟରାଜନୀତିରେ ଶୃଷ୍ଟି ହୋଇଛି ହଇଚଇ ।
ଛତିଶଗଡ଼ର ବରିଷ୍ଠ କଂଗ୍ରେସ ନେତା ଟିଏସ୍ ସିଂହଦେଓଙ୍କୁ ଛତିଶଗଡ଼ର ଉପମୁଖ୍ୟମନ୍ତ୍ରୀ କରାଯାଇଛି। କଂଗ୍ରେସ ଅଧ୍ୟକ୍ଷ ଟିଏସ୍ ସିଂହଦେଓଙ୍କୁ ଉପମୁଖ୍ୟମନ୍ତ୍ରୀ କରିବା ନେଇ ପ୍ରସ୍ତାବ ଉପରେ ମୋହର ମାରିଛନ୍ତି। ଫଳରେ ଏହାକୁ ନେଇ ଛତିଶଗଡ଼ ରାଜନୀତି ପୁଣି ଚଳଚଞ୍ଚଳ ହୋଇଉଠିଛି। ଛତିଶଗଡ଼ରେ ଏବେ ଭୁପେଶ ବାଘେଲ ମୁଖ୍ୟମନ୍ତ୍ରୀ ଅଛନ୍ତି। ତେଣୁ ହାଇକମାଣ୍ଡଙ୍କ ଏହି ନିଷ୍ପତ୍ତି ପରେ ପୁଣି ଗରମ ହୋଇଛି ରାଜ୍ୟ ରାଜନୀତି।
हैं तैयार हम.
महाराज साहब को उपमुख्यमंत्री के रूप में दायित्व के लिए बधाई एवं शुभकामनाएँ. @TS_SinghDeo pic.twitter.com/1sRZqsEU2W— Bhupesh Baghel (@bhupeshbaghel) June 28, 2023
ଏହି ନିଯୁକ୍ତି ପରେ ଟିଏସ୍ ସିଂହଦେଓଙ୍କୁ ଅଭିନନ୍ଦନ ଜଣାଇବା ସହ ଏକ ଟ୍ୱିଟ କରି ‘ଆମେ ପ୍ରସ୍ତୁତ’ ବୋଲି ଲେଖିଛନ୍ତି ସିଏମ୍ ଭୁପେଶ ବାଘେଲ ।
