ଭୁବନେଶ୍ୱର(ବଡ଼ ଖବର ବ୍ୟୁରୋ): ଦୁଇ ଦିନ ବନ୍ଦ ରହିବ ଟିକାକରଣ । ଗୁଲାବ ପ୍ରଭାବରେ ରାଜଧାନୀରେ ଦୁଇଦିନ ପ୍ରବଳ ବର୍ଷା ସମ୍ଭାବନା ରହିଛି । ଏନେଇ ଏସଆରସି ସ୍ପଷ୍ଟ କରିବାପରେ ୨୬ ଓ ୨୭ ପାଇଁ ରାଜଧାନୀରେ କୋଭିଡ ଟିକାକରଣ ବନ୍ଦ ରହିବ ବୋଲି ଘୋଷଣା କରିଛି ବିଏମସି ।
ପ୍ରବଳ ବର୍ଷାରେ ଲୋକମାନେ ଆସି ଟିକା ନେବା ଓ କର୍ମଚାରୀମାନେ ଆସି ଟିକା ଦେବାରେ ସମସ୍ୟା ହୋଇପାରେ । ଏଭଳି ଆଶଙ୍କା କରି ବିଏମସି ଦୁଇଦିନ ଟିକାକରଣ ବନ୍ଦ ରଖିଛି । ଲୋକମାନେ ପୂର୍ବରୁ ବୁକିଂ କରିଥିଲେ ମଧ୍ୟ ନ ଆସିବାକୁ ବିଏମସି ପକ୍ଷରୁ ଅନୁରୋଧ କରାଯାଇଛି ।
